СОЛИҚЧИЛАР УЧУН 195 ТА ХИЗМАТ УЙ-ЖОЙЛАРИ ҚУРИЛАДИ

11 Сентябрь, 21:58 • Расмий хабарлар, Янгиликлар • 68 марта кўрилди • Комментариев к записи СОЛИҚЧИЛАР УЧУН 195 ТА ХИЗМАТ УЙ-ЖОЙЛАРИ ҚУРИЛАДИ нет

Вазирлар Маҳкамасининг 28.08.2017 йилдаги 677-сон қарори билан 2017-2021 йилларда давлат солиқ хизмати органлари моддий-техник базасини мустаҳкамлаш чора-тадбирлари дастури тасдиқланди.

Унда ҳудудий солиқ органларининг 11 та маъмурий биносини реконструкция қилиш (йилда 2 тадан), 68 та маъмурий бинони мукаммал таъмирлаш (ҳар йили 13 та объектдан), шунингдек  ҳудудий ДСБ раҳбарлари учун 13 та хизмат уй-жойлари ва туман (шаҳар) ДСИ учун 182 та уй қуриш назарда тутилган.

Моддий-техник таъминотни мустаҳкамлаш доирасида формали кийим-бош тикиш (12131 штат бирлигига), мебеллар ва хизмат автотранспортини сотиб олиш, шунингдек муқобил энергия манбаларини ўрнатиш режалаштирилмоқда. Дастурнинг қатор чора-тадбирлари солиқ органлари тизимида АКТни ривожлантиришга қаратилган.

Дастурни рўёбга чиқариш учун 275 млрд. сўмдан зиёд маблағ зарур, улардан 7,9 млрд. сўми Давлат бюджети маблағлари, қолган сумма эса ДСҚнинг махсус бюджетдан ташқари маблағлари.

Шунингдек, ҳужжат билан ДСҚ тўғрисида ва давлат солиқ хизмати органларида хизматни ўташ тўғрисидаги янгиланган низомлар тасдиқланди.

СОЛИҚЧИЛАР УЧУН 195 ТА ХИЗМАТ УЙ-ЖОЙЛАРИ ҚУРИЛАДИ was last modified: Сентябрь 11th, 2017 by matbuot

Добавить комментарий

Ваш e-mail не будет опубликован. Обязательные поля помечены *

« »