Президент ердан унумли фойдаланиб, аҳоли даромадини ошириш бўйича кўрсатмалар берди

2 Май, 19:16 • Расмий хабарлар, Сиёсат, Янгиликлар • 60 марта кўрилди • Комментариев к записи Президент ердан унумли фойдаланиб, аҳоли даромадини ошириш бўйича кўрсатмалар берди нет

Президент Шавкат Мирзиёев Чуст туманидаги “Барака мева саноат сервис” масъулияти чекланган жамиятига ташриф буюрди.

Корхона фаолиятини 2015 йилда ёнғоқ, майиз ва ковулни экспорт қилишдан бошлаган. Ҳозирда бу ерда кунгабоқар, фасол, уруғлик картошка, дурагай маккажўхори, помидор ҳам парваришланмоқда.

Жамият томонидан интенсив боғ ташкил этилиб, экспортбоп мевалар етиштириш лойиҳаси амалга оширилмоқда.

Лойиҳанинг умумий қиймати 9,6 миллиард сўм бўлиб, йилига 4 минг 600 тонна ёнғоқ етиштириш, бир йилда 40 миллиард сўмликдан зиёд маҳсулот олиш режалаштирилган. Ҳосилнинг 70 фоизини экспортга йўналтириш кўзда тутилган.

Президентимиз мазкур корхона имкониятлари билан танишди. Интенсив усулда қурилган иссиқхонани кириб кўрди.

Корхонанинг 17 сотихлик тажриба участкасида мева-сабзавотлар синовдан ўтказилаётир.

Аэропоника усулида картошка уруғи етиштириш тажрибаси Президентимизда катта таассурот қолдирди. Ёш олим Шерзод Тошпўлатов татбиқ этган бу усул орқали анъанавий усулга нисбатан 6 баробар юқори ҳосил олиш мумкин.

Давлатимиз раҳбари ушбу тажриба асосида Наманганда картошка уруғчилигини ривожлантиришга доир махсус қарор ишлаб чиқиш, бутун мамлакатимизга ҳосилдор уруғ етказиб бериш бўйича топшириқ берди.

Шу ернинг ўзида 2018-2019 йилларда балиқчилик, паррандачилик, чорвачилик, пиллачиликни ривожлантириш, тутзорлар ташкил этиш, қурғоқчил майдонларнинг сув таъминотини яхшилаш, пахтадан бўшаган ер майдонларига бозоргир экинлар экиш, булар орқали вилоят экспорт салоҳиятини янада ошириш бўйича лойиҳалар тақдимоти ўтказилди.

Манба: Ўзбекистон Республикаси Президентининг

Матбуот хизмати

Президент ердан унумли фойдаланиб, аҳоли даромадини ошириш бўйича кўрсатмалар берди was last modified: Май 2nd, 2018 by matbuot

Добавить комментарий

Ваш e-mail не будет опубликован. Обязательные поля помечены *

« »