Ассалому алайкум, Адолат ҳамма соҳада инсон ҳуқуқларини ҳимоя қилиши билан бошқа партиялардан ажралиб туриши керак. Лекин бизда баъзи бир қонун ҳужжатлари нотўғри, Конституцияга зид! Масалан, Конституциянинг 31-моддасида Ҳамма учун виждон эркинлиги кафолатланади. Ҳар бир инсон хоҳлаган динга эътиқод қилиш ҳуқуқига эга. Муслима аёлларимизнинг ҳижоб кийиши – бу виждон эркинлиги. Лекин муслима аёлларимизнинг бу диний ҳуқуқлари бошқа қонун ҳужжатлари билан чекланган, жамоат жойларда ҳижобда юриш таъқиқланган, ўқувчи қизларимиз мактабга ҳижобда боришса мактабга киритишмайди. Бу билан Конституциямизнинг яна бир моддаси бузилади. Конститутциямизнинг 41-моддасида умумий таълим олиш давлат томонидан кафолатланган. Агар ўқувчи қиз ҳижобда ёки рўмолда мактабга борса Давлат унинг умумий таълим олишини қандай кафолатлайди? ЎЗБЕКИСТОН РЕСПУБЛИКАСИНИНГ МАЪМУРИЙ ЖАВОБГАРЛИК ТЎҒРИСИДАГИ КОДЕКСИ 184-1-модда. Фуқароларнинг жамоат жойларида ибодат либосларида юриши (ЎзР 01.05.1998 й. 621-I-сон Қонунига мувофиқ киритилган модда) Ўзбекистон Республикаси фуқароларининг (диний ташкилотларнинг хизматидагилар бундан мустасно) жамоат жойларида ибодат либосларида юришлари, - энг кам иш ҳақининг беш бараваридан ўн бараваригача миқдорда жарима солишга ёки ўн беш суткагача муддатга маъмурий қамоққа олишга сабаб бўлади. Сизлардан шу Маъмурий жавобгарлик тўғрисидаги Кодексга ва Виждон эркинлиги билан боғлиқ бошқа қонун ҳужжатларига ўзгартиришлар киритишингизни илтимос қиламан.