1197 рақами ва кўнгиллилар гуруҳи тарихда қолади

Карантин давридаги синовли кунларда кўп самимий, қалби тоза, қийин паллада туриб бера оладиган мард ва халқпарвар инсонлар билан яқиндан танишганимдан хурсандман. Бирдам бўлсак, сизлар билан албатта, катта натижаларга эришамиз.

Мана, карантин ва синовли кунлар ортда қоляпти. Умид қиламанки, машаққатли дамда тобланган меҳр-оқибат ва бирдамлик бизни тарк этмайди.

Карантин кўнгиллилар гуруҳи катта куч эканлигини исботлаб берди. Улар яхшилик устида бирлашиш ва жамоа бўлиб беғараз ёрдам бериш бўйича амалий мастер-класс кўрсатишди.  

Хайрияга ҳисса қўшган, қўллаб-қувватлаган, тиним билмай югуриб елган ва уларни олқишлаб турган барчага катта раҳмат! Сизлар ўз амалингиз билан барчага иймон, виждон ва инсонийликдан дарс бердингиз.

Мухтарам халқимиз қийин паллада яхшилик учун бирлаша олишини кўрсатди. Энди, ёмон иллатларга қарши бирдамликни намоён қила олсак, миллат сифатида юксак даражага кўтарилган бўламиз.

Обиджон ЛАТИПОВ

Халқ депутатлари Тошкент шаҳар Кенгаши депутати