Адолатли жамиятда яшаш бахти

Муҳтарам Президентимизнинг Олий Мажлис Қонунчилик палатасига  йўллаган Мурожаатномасини катта ҳаяжон билан тингладим. Мен шахсан Ўзбекистон фуқароси, сиёсий куч фаоли сифатида жуда таъсирландим, яъни, ҳар бир соҳадаги камчиликларни чуқур таҳлил қилиб, уларнинг ечими учун вазифаларни белгилаб берганини тинглар эканман, адолатли замон келди, халқимизнинг қанча орзу-истаклари амалга ошадиган вақт бўлди, халқимиз дилидаги гаплар кўтарилибди, деган хулоса пайдо бўлди.

Биргина, мамлакатимиз, жамиятимиз ривожини орқага тортиб келаётган коррупцияга қарши курашиш бўйича ташкилот ташкил этиш таклифини ўзиёқ одамларни “Эй, мана, ҳақиқат бор эканку, барча тизимдаги камчиликлар, ютуқларни ҳаммасини Президент билар экан-ку” деган фикрга келишига, эртанги ёруғ келажагига  умид ва ишончи ортишига асос бўлди.

Илм - фан жамиятни қолоқликдан қутқаради. Мен эртанги кун эгалари фарзандларимизни 6 ёшдан мактабга тайёрлаш бошланиши бу борада жуда катта қадам бўлишига ишонаман. Юртбошимизнинг, ҳамма соҳага, ҳатто энг чекка қишлоқларгача замонавий ахборот коммуникацион технологияларнинг кириб келиши таъминланади деганлари, бу биз фақат олға интилаётган давлат эканлигимиздан далолат беради.

Тиббиёт ходимларнинг обрўсини ошириш режалари ҳамда журналист ва блогерларни қўллаб-қувватланиши ҳам чин маънода адолатли жамиятда яшаётганимиздан, юртбошимизнинг одиллигидан далолат. 

Олий таълимга ажратилаёган грант миқдорининг икки баробар миқдорда ошириш, хотин-қизлар учун алоҳида грантлар ажратилиши, мактабларимизни халқаро стандардлар даражасига олиб чиқиш, махсус фанлари чуқурлаштирилган ҳолда ўтилиши ҳамда мутахассислиги бўлмаган фанларни ўқув жараёнларидан қисқартирилиши каби ислоҳотлар бизларга қувонч бағишлаши билан бир қаторда катта маъсулият ва меҳнат талаб қилади.

Биз сиёсий куч фаоллари, депутатлар биргаликда ишлашимиз ва Президентимизнинг ташаббусларини амалга оширишда камарбаста бўлиб, елкама – елка туришимиз, мамлакатимиз ривожига ўз ҳиссамизни қўшишимиз ортга суриб бўлмайдиган вазифамиздан бири эканини унутмайлик.

Зебо ТУРАЕВА,

Ўзбекистон “Адолат” СДП фаоли