Андижонда саховат сайли

Хакан қишлоғида Ўзбекистон “Адолат” СДП Андижон вилоят кенгаши ташаббуси билан “Саховат сайли” ташкил этилди. Партиянинг “Саховат - беназир қадрият” лойиҳаси доирасида ташкил этилган мазкур тадбир аҳолини соғломлаштириш, кексаларга меҳр-оқибат кўрсатиш ва ўксик дилларга қувонч улашиш мақсадига қаратилди.

Тадбир доирасида ўтказилган тиббий кўрикда 130 нафар фуқаро чуқурлаштирилган тиббий кўрикдан ўтказилди, шундан 55 нафари  соғломлаштиришга йўналтирилди.

-“Адолатчилар”нинг якка-ёлғиз яшовчилар ва ижтимоий кўмакка мухтож фуқароларга кўрсатган эътибори, саховати маҳалладошларимизни яхши инсонларга ва эзгуликка бўлган ишончини оширди, -дейди Қурама маҳалла фуқаролар йиғини раиси Фахриддин Қурбонов -Фуқаро Ёқубжон Мамажонов кўзи ожизлиги сабаб тушкун кайфиятда яшарди. Яшаш хонадонининг томи таъмирталаблиги сабаб чакка ўтаётганди. Қисқа вақтда янги қиёфага кирди. Худди шу каби имконияти чекланган фуқаро Абдуғаффор Зулуновнинг оила аъзолари ҳам яхши одамларнинг кўмагидан хурсанд. У тиббиётчи-сафдошларимиз кўмагида саломатлигини  тикламоқда.

Қурамада бошланган “Саховат сайли” яна қанча юртдошларимизга қувонч улашмоқда. Бу айни вақтда жамоатчиликда “адолатчилар”га бўлган ишончни оширяпти.     

                                      Равшанбек ХОДЖАЕВ,

                   Ўзбекистон “Адолат” СДП Андижон

                                  вилоят кенгаши мутахассиси