Депутатлар туман тиббиёт тизими ҳамда СЭОМ фаолиятини танқидий кўриб чиқди

Бугунги кунда мамлакатимиз бўйлаб карантин чоралари кучайтирилган темир интизом тартибида олиб борилмоқда. Аммо кучайтирилган чора-тадбирларга қарамасдан бугун мамлакатимиз бўйлаб коронавирус инфекциясига чалинганлик ҳолати кун сайин ортиб бормоқда.

Мазкур вирусни жиловлашинг ягона тизими эса занжирни узиш учун ҳар бир инсон ўзи ва яқинлари соғлиғига эътиборли бўлиши кераклигида бўлиб қолмоқда. Бунинг учун эса кенг жамоатчилик орасида тўғри тушунтириш ишларини олиб бориш, вируснинг кейинги тўлқинидан фуқароларимизни тўлақонли ҳимоя қилиш учун эса етарли даражада тиббиёт тизими фаолиятини йўлга қўйиш ҳамда етарлича дори-дармон захирасини яратиш энг муҳим вазифа бўлиб қолмоқда.

Шу боисдан Халқ депутатлари Арнасой туман Кенгаши депутатлари Ф.Абдуҳамидов, Г.Зоидова, Р.Нурматов ҳамда Р.Тўрабоевалар бугунги пандемия даврида коронавирус инфекциясига қарши курашиш борасида туманда амалга оширилаётган ишлар ҳолати ҳамда туманда коронавирус инфекциясига чалинганликда гумон қилиниб карантинда сақланаётган фуқароларнинг саломатликлари борасидаги маълумотларга аниқлик киритиш мақсадида ўрганиш ишларини олиб борди.

Бугунги кунда Арнасой туманида коронавирус инфекциясининг кенг тарқалишининг олдини олиш борасида мутасадди идоралар томонилдан бир қатор ишлар амалга ошириб келинмоқда. Жумладан, туман Санитария-эпидемиологик назорат маркази томонидан пандемия даврида фолиятини олиб бораётган ташкилот ва корхоналарни ҳамда назорат пункларида ўз вақтида дезинфекция ишларини амалга ошириш учун 20 та ходимдан иборат дезинфекция ишларини амалга оширувчи гуруҳ фаолияти йўлга қўйилган. Уларнинг 15 нафари туман марказида, 5 нафари эса чекка ҳудудларда фаолият олиб бормоқда. Ўз вақтида самарали дезинфекция ишларини амалга ошириш учун эса республика ҳамда маҳаллий бюджетдан етарли даражада маблағлар ажратилган.

Шунингдек, бугунги карантин талабларидан келиб чиқиб туман тиббиёт бирлашмаси томонидан карантинга олинган фуқароларга ўз вақтида малакали тиббий хизмат кўрсатиш учун туман юқумлик касалликлар бўлимидан ташқари яна 60 та қўшимча кўйка (ётоқ жой) тайёрланди. Аммо ўрганишлар жараёнида бир қатор ишлар ўз вақтида амалга оширилмаганлиги депутатлар эътирозига сабаб бўлди. Жумладан, бугунги кунда туман юқумли касалликлар бўлими карантинга олинган фуқаролар даволанаётганлиги сабаб карантинга ёпилган бўлишига қарамасдан, туманда мавсумий юқумли касаллика чалинган беморларни қабул қилиш учун захира ўринлари тайёрланмаган. Шунингдек, туман юқумли касалликлар бўлими ҳамда қўшимча тарзда тайёрланган 60 ўринли жойга зарурий кондиционерлар ўз вақтида ўрнатилмаган.

Юқоридаги камчиликлар таҳлил қилинган ҳолда туман Кенгаши депутатлари томонидан тегишли тартибда масъул ташкилотларга депутатлик сўрови чиқарилиши орқали зарур бўлган 4 дона кондиционерлар керакли жойларга олиб келиб ўрнатилди. Захира ўринларини ташкил этишда турдош юқумли касалликларни аниқланиш ҳолатларини ҳам инобатга олиш кераклиги борасида бир қатор таклифлар билдириб ўтилди.

Шу куннинг ўзида туман кенгаши депутатлари томонидан коронавирус инфекциясини даволаш учун Соғлиқни сақлаш вазирлиги томонидан тавсия этилган дори воситаларининг туман дорихоналаридаги мавжудлиги ҳам таҳлил этилди. Ўрганишлар жараёнида бугунги кунда Соғлиқни сақлаш вазирлиги томонидан тавсия этилган Авирол, Арбидол, Парацетамол ва Ацикловир каби дориларнинг етарли даражада захираси мавжудлиги аниқланди.

Туман Кенгаши депутатлари томонидан пандемия даврида амалга оширилаётган карнатин талабларининг самарали амалга оширилишини доимий назорат қилиб бориш ҳамда галдаги вазифа сифатида туманда фаолият кўрсатаётган савдо шаҳобчалари фаолиятини ўрганиб чиқиш вазифалари белгилаб олинди.

Ўзбекистон “Адолат” СДП

Жиззах вилоят Кенгаши матбуот хихмати