Депутатнинг ваъдасини навбатдаги “Кутинг”лардан бири деб ўйлагандик...

16.07.2020 19:07:57

Халқ депутатлари Жомбой туман кенгашига партиямиздан сайланган депутат Илёс Сафаров “Ғазира” маҳалласидаги учрашувида Наврўзтепа қишлоғининг 40 га яқин хонадонида ичимлик суви йўқлиги, қишлоқни ичимлик суви билан таъминлаш учун ўтган асрнинг 60-йилларида қурилган сув иншооти қишлоқ аҳлини тўлиқ тоза ичимлик суви билан таъминлаш учун қуввати етмаслиги аҳоли томонидан ўртага ташланган эди.

Ушбу мурожаат асосида депутат И.Сафаров туман “Сувоқова” ишлаб чиқариш корхонасига депутатлик сўрови киритди. Бугунги кунда Жомбой тумани “Ғазира” маҳалласига қарашли Наврўзтепа қишлоғи аҳолисига тоза ичимлик суви етказиб бериш ишлари йўлга қўйилди. Хурсандчилигининг чеки йўқ фуқароларнинг ўзидан фикрларини сурадик.

Ғулом Ҳамроев, “Ғазира” МФЙ раиси:

-Маҳалламиздаги “Наврўзтепа” қишлоғи аҳолисини ичимлик суви муаммоси бир неча йиллардан буён қийнаб келарди. Тўғриси, қанча ташкилотларга мурожаат қилдик. Ҳаммасида бир хил жавоб – “Дастурга киритамиз, кутинг”. Сайлов жараёнида сайловолди тарғиботи билан келган номзодларга сувни ҳал қилиб бера оласанми деган савол қўйдик. Уларни ичидан Илёс Сафаров бизга бу муаммони мана шу ярим йилликда ҳал қилишга киришишини айтди. Биз сайловчилар номзодга, “Адолат” партиясига ишониб овоз бергандик, мана кўриб турибмизки, адашмабмиз.

Отабек Бердинов, “Наврўзтепа” қишлоғи оқсақоли:

-Тўғриси, бу сув масаласида берилган ваъдалардан чарчаб ҳам кетгандик. Депутатимизни халқ билан қилган учрашувида “сув албатта келади” деганда, навбатдаги “кутинг”лардан бири бўлмаса эди деб ўйлагандик. Депутатимиз ишончимизни оқлади. Депутатимиздан бир мен эмас мана шу 174 хонадондан иборат “Наврўзтепа”  халқи миннатдор.

Нургул  Нематова, маҳалла фаоли:

Депутататимиз жуда катта хайрли ишни амалга оширди. Эшик олдига чиқсак сув. Айниқса қишлоғимиздаги хотин-қизларнинг қувончи чексиз. Сув билан ҳаёт чиройлида. Биз бу кунларни озмунча кутдикми?! Барака топсин. Мана шу сув келишида кечани кеча, кунни иссиқ демай меҳнат қилган йигитларимизга ҳам катта рахмат.

Биз депутатимиз Илёс Сафаровга хайрли ишларида куч-қувват тилаб қоламиз. Ҳа, айтганча депутат ташаббуси билан “Ғазира” маҳалла фуқаролар йиғини ҳудудидаги “Шакар” қишлоғида ҳам савобли ишлар амалга оширилмоқда. Бу ҳақда кейинги сафар.

 

Ўзбекистон “Адолат” СДП

Самарқанд вилоят Кенгаши матбуот хизмати

Улашинг!

Фикрингизни қолдиринг

Илтимос жавобингизни киритинг

+