Файзиободликлар партия лойиҳасини қўллаб-қувватлади

Ўзбекистон “Адолат” СДПнинг “Соғлом турмуш тарзи йўлида  бирлашайлик” лойиҳаси доирасида андижонлик партиядошларимиз томонидан ўтказилаётган тадбирлар  жамоатчилик томонидан қўллаб-қувватланмоқда. Асака туманидаги Файзиобод маҳалласида яшовчилар ҳам кўп тармоқли оилавий поликлиника шифокорлари билан ташкил этилган тиббий кўрикда фаол қатнашдилар. Шу куни 85 нафар фуқаро чуқурлаштирилган тиббий кўрикдан ўтказилди, 12 нафар кекса ёшдагиларни соғломлаштириш тавсия этилди.

Саломатликнинг асоси – тозалик, дея таъкидланди фуқаролар билан суҳбатда. Шу сабаб оилаларда ҳафтанинг шанба куни тозалик куни, деб эълон қилинди. “Адолат”чиларнинг бу таклифини файзиободликлар қўллаб-қувватладилар. Партиянинг сайловолди дастурига бу борада жамоатчилик назоратини ўрнатиш бўйича таклиф киритиш кўрсатиб ўтилди.

         Абдумусо СУЛТОНОВ,

     Халқ депутатлари  Асака   

     туман кенгаши  депутати