Истиқболдаги вазифалар белгилаб олинди

05.10.2020 10:10:18

Бугун жойларда Ўзбекистон “Адолат” СДПнинг Сурхондарё вилоят, туман ва шаҳар Кенгаши ходимлари бошчилигида ҳудудлардаги партия “Ёш адолатчилар” қаноти Кенгашларининг  конференциялари бўлиб ўтмоқда.  Мазкур конференцияларда  партиянинг  “Ёшлар адолатчилар” қаноти  Денов, Жарқўрғон, Бойсун туман Кенгашларининг бу борада олиб бораётган  фаолияти таҳлил қилинди.

Хусусан, Ўзбекистон “Адолат” СДП  Сариосиё туман  Кенгашида партиянинг туман “Ёш адолатчилар” қаноти Кенгашининг  навбатдаги Конференцияси ўтказилди.

Унда партия туман Кенгаши  ходимлари, туман Ёшлар қаноти фаоллари, БПТ фаоллари, туман Кенгаши депутатлари ҳамда ОАВ вакиллари иштирок этишди.

Конференцияда  туман “Ёш адолатчилар” қанотининг ўтган йиллар давомидаги умумий фаолияти сарҳисоб қилинди ҳамда ушбу жамоанинг ёшлар билан ишлаш самадорлигини ошириш ва унинг фаолиятини такомиллаштириш бўйича фикр алмашилди.

Шерали Ахмедов, партиянинг Сариосиё туман “Ёш адолатчилар” ваноти Кенгаши фаоли:

-Давлатимиз томонидан яратилаётган шарт-шароитлар, имкониятлардан фойдаланиб замонавий билим ва касб-ҳунарларни пухта эгаллаган, мустақил фикрлайдиган, доимо эл-юрт тақдирига дахлдорлик туйғуси билан яшайдиган биз ёшлар майдонга дадил чиқиб, бугунги кунда ҳаётнинг ўзи олдимизга қўяётган вазифаларни ҳал этишга қодирмиз, деб ҳисоблайман. Зеро, бугунги ёшларга меҳнат қилиш, ўз билим ва қобилиятини намоён этиш учун барча имкониятлар яратиб берилди. Ушбу  имкониятлардан унумли фойдаланиб, Президентимиз бошлаб берган эзгу ишларга камарбаста бўлишимиз, бор куч ва ғайратимиз билан олдинга интилишимиз, ҳамиша жамиятнинг олдинги сафида бориб, шу юртнинг, шу халқнинг фидойи фарзандлари эканлигимизни амалда исботлашимиз шарт.

Тадбирда Ёшлар қаноти жамоатчилик Кенгаши таркиби тасдиқланиб, партиянинг “Ёш адолатчилар” қанотининг республика Конференциясига делегатлар  сайланди ҳамда ёшлар фаолиятини янада такомиллаштиришга қаратилган “Йўл харитаси” ишлаб чиқилиб, жамоатчилик аъзолари ва партия фаоллари иштирокида муҳокама қилинди.

Учрашув якунида партия туман Ёшлар қаноти ва унинг жойлардаги бўлинмалари ҳамкор ташкилотлар билан биргаликда ўсиб келаётган ёш авлодни ҳар томонлама қўллаб-қувватлаш, ёшларни профессионал ва маърифий юксалтириш, мамлакатда рўй бераётган сиёсий-ижтимоий, иқтисодий янгиланишларга фаол ёндашувларини шакллантириш, етакчи ва иқтидорли ёшларни аниқлаш ва улар билан бевосита ишлаш борасида махсус чора-тадбирлар белгилаб олинди.

Гулшод ТУРСОАТОВА,

Ўзбекистон “Адолат” СДП Сурхондарё вилоят Кенгаши матбуот котиби

 

 

Улашинг!

Фикрингизни қолдиринг

Илтимос жавобингизни киритинг

+