“Йил эътирофи” лойиҳаси ғолиблари аниқланди

Ўзбекистон “Адолат” СДП нинг  вилоят кенгашида ташкил этилган йиғилишда Олий Мажлис Қонунчилик палатаси депутати Таваккал Чориев ҳам иштирок этди. Бугунги кунда ёшларга қаратилаётган эътибор уларга берилаётган имкониятлар кун сайин ошиб бораётгани ҳеч биримизга сир эмас.

Учрашувда айнан Бухоролик ёш депутатлар томонидан эълон қилинган “Йил эътирофи” лойиҳасининг якуний босқичи ғолиблари аниқланиб уларга совғалар тарқатилди.   Маълумот ўрнида айтишимиз мумкинки, “Йил эътирофи”  лойиҳаси ёшларнинг иқтидорларини, ижтимоий фаоллигини ҳамда эришаётган ютуқларини оммага кенг эълон қилиш ва уларни рағбатлантириш мақсадида ишлаб чиқилган эди.  Лойиҳанинг амалга ошириш механизими Республикамиздаги интилувчан, иқтидорли, тенгдошларига ўрнак бўла оладиган ва йил давомида ютуқларга эришган ёшларни ташаббусларини ўрганишдан иборат эди.

Тадбирда сўз олган партиянинг вилоят кенгаши раиси Мақсуд Ҳамидов ўз нутқида “Бугунги ёшлар Ўзбекистоннинг таянчи, суянчи” -  дея яна бир карра  уларга ишонч билдириб руҳий жиҳатдан рағбатлантирди. Тадбирда вилоятнинг турли туманларидан  энг фаол, энг ташаббускорлари аниқланиб Олий Мажлис Қонунчилик палатаси депутати ҳамда партиянинг вилоят кенгаши раиси томонидан  муносиб тақдирландилар. Лойиҳа ушбу йилда илк маротаба ўтказилмоқда ташаббускорларни, энг фаолларни аниқлашда бундай  лойиҳалар дебоча бўлиб хизмат қилишига ишонамиз.

“Адолат” СДП Бухоро вилоят

Кенгаши матбуот хизмати