Коррупциянинг эртаси йўқ!

Коррупция жамият ривожининг кушандаси. Унга қарши бутун жамият биргаликда курашмас экан биз ўзимиз ўйлаган натижага эриша олмаймиз. Бу борада ҳар бир жамоатчилик билан ишловчи идора Бош прокуратура билан коррупцияга қарши кураш, жамиятда ушбу иллатга нисбатан мутлақо тоқатсизлик маданиятини шакллантиришга қарши қаратилган тизимли чора-тадбирларни ишлаб чиқиши ва уларнинг  натижаларини кенг оммага етказиш борасида самарали ишларни ташкил этиши лозим.

Коррупция ким учундир тараққиёт кушандаси, ким учундир ўз манфаати, эҳтиёжларини қондиришнинг бир йўли. Қандай бўлганда ҳам бу иллатнинг эртаси йўқ. У ҳар қандай одамни йўлдан адаштириш баробарида жиноят кўчасига бошлайди. Қолаверса, ҳозирги кунда дунё давлатларини ташвишга солаётган глобал муцаммолардан бирига айланган экан унга асло йўл берманг.

Бугун қайси бир соҳа ривожланмай, аксинча оқсаётган бўлса, билингки бунга  коррупция сабаб. Бу айни вақтда иқтисодиётга, давлат ғазнасига салбий таъсир кўрсатади. Шундай экан ноқонуний фаолиятга асло бефарқ бўлманг.

Бу борада ёшларни коррупциядан сақлаш, ҳар қандай  ҳаракат қонуний бўлгандагина кутилган натижага эришиш мумкинлигини уларга тушунтириш лозим. Айниқса, таълим муассасалари ва давлат идораларида унга қарши курашиш долзарб вазифа. Фарзандингизни пора эвазига олий таълим муассасасига ўқишга киритиш, ишга жойлаштиришда таниш-билишчилик ва осон йўл билан пул топишга ўргатиш коррупциянинг илдизи эканлигини асло унутманг. Агар сиз бундан сақлансангиз, фарзандингиз бу йўл нотўғри эканлигини тушуниб етади.

Коррупциясиз ҳаёт, коррупциясиз жамият, коррупциясиз келажакни истасангиз четда турманг. Бу биринчи навбатда ўзингиз учун фойдали.

Қонун ва адолат билан соғлом келажак сари қадам ташланг!

Акбаржон НАЗАРОВ,

“Адолат” СДП Андижон вилояти

Кенгаши матбуот котиби