Ўзбек ва қозоқ халқларининг биродарлиги акс этди

Шу кунларда партия ташкил топганлигининг чорак асрлик юбилейи барча жойларда кенг нишонланмоқда. Ўтган давр мобайнида халқ ишончини қозониб, ўзининг халқчил ва устувор ғояларини амалий ҳаётда акс эттирган партия бугун юбилей ёшни қарши олмоқда.

Шу муносабат билан “Адолат” СДП Тошкент шаҳар Кенгаши томонидан ҳам партия 25 йиллиги байрам тадбирлари ўтказилмоқда. Куни кеча Халқ депутатлари Тошкент шаҳар Кенгаши депутати Ташпўлат Матибаев етакчилигида “Халқлар дўстлиги” санъат саройида бўлиб ўтган концерт дастури ҳам ўзбек-қозоқ халқлари биродарлигининг ҳақиқий инъикоси сифатида акс этди. “Чимкент шоу” деб номланган концерт дастурига Қозоғистон Республикаси Чимкент вилоятидан бир қанча давлат арбоблари, таниқли санъаткорлар ташриф буюрди. Тантанали кечган тадбирда партиянинг мамлакат сиёсий ҳаётидаги ўрни ҳақида гапирилди.

Концерт давомида қизиқарли шоулар ҳам ташкил этилиб, томошабинларга хуш кайфият бағишлади. Шунингдек, қозоқ ва ўзбек халқларининг дўстлик ва ҳамкорлигини кучайтиришда фаоллик кўрсатган бир гуруҳ давлат номоёндаларига ташаккурнома ва орденлар топширилди. Депутат Ташпўлат Матибаев эса Халқаро психологик фанлар академияси томонидан психология фанларига қўшган ҳиссаси ва хизматлари учун юксак орден билан тақдирланди.

“Адолат” СДП Тошкент шаҳар Кенгаши матбуот хизмати