“Саховат ва кўмак”: Оилаларнинг ишсиз фарзандлари ҳунарга жалб этилди

28.04.2020 14:04:07

Синовли кунларда ҳар биримиз қўлимиздан келганча атрофимиздагилар, қўни-қўшнилар, эътиборга муҳтож инсонларга кўмак беришимиз керак. “Саховат ва кўмак” умумхалқ ҳаракати бу жиҳатларни кўзда тутган ҳолда барчамизни  эзгулик йўлида бирлаштиради.

Мен ҳам ҳаракатда иштирок этишни мақсад қилдим. Ўзбекистон “Адолат” СДП Фурқат тумани Кенгаши билан ҳамкорликда тумандаги “Чиркай” МФЙда истиқомат қилиб келаётган 3 та ижтимоий таъминотга муҳтож оилани оталиққа олдим. Уларга муборак Рамазон ойида қўлимдан келганча зарур маҳсулотларни  етказиш ниятидаман.  Қолаверса, ўзим уста ҳунарманд бўлганим учун мазкур оилаларнинг ҳозирда уйда ишсиз, бўш ўтирган фарзандларини ҳам ҳунар ўрганишга жалб қилдим. Шогирдларим сафи янада кенгайди. Янги шогирдим Камолиддин Аҳмедов биринчи кунданоқ соҳага бўлган иштиёқини намоён этди. Қизиқиши баландлигини кўриб, жуда хурсанд бўлдим.

Уларнинг ҳунар сирларини ўрганишлари келгусида ўз оиласини моддий ва маънавий таъминлашга хизмат қилиши шубҳасиз.

Бахтиёржон ТОЖИЕВ,

Ўзбекистон “Адолат” СДП фаоли

Улашинг!

Фикрингизни қолдиринг

Илтимос жавобингизни киритинг

+