9-may “Xotira va qadrlash kuni”

9-may “Xotira va qadrlash kuni” shuningdek, nafaqat xalqimiz, balki ikkinchi jahon urushida ishtirok etgan mamlakatlar aholisi uchun muhim boʻlgan fashizm ustidan gʻalaba qozonilgan sana. Xalqimiz bu kuni aslo unutmaydi. Tinchligimiz yoʻlida jon bergan ajdodlarimizni esga olib, Kogon shahridagi 11-maktabda unutilmas kunga atab, Xalq deputatlari Kogon shahar deputati Sh.Isomutdinov, maktabning nafaqadagi faxriylari, pedagog xodimlari va oʻquvchi yoshlari ishtirokida tadbir boʻlib oʻtdi.

Tadbirni shahar deputati Sh. Isamutdinov ochib berib,- “Xotira bor ekan – millat barhayot, deydilar. Bizning vazifamiz –qahramonlarimizning muqaddas xotirasini hurmat qilish va asrab-avaylashdir. Jang maydonlarida kurashganlar, soʻnggi burda nonigacha frontga joʻnatib, oʻzlari front ortida boshqa yov – ochlik, qoʻrquv va nomaʼlumlik bilan kurashib oʻtganlar xotirasi oldida bosh egishimiz, bugun safimizda yurganlarni hayotligida ardoqlashimiz lozim”.- deya taʼkidlab oʻtdi.

Kechada oʻquvchilar mehmonlarni oʻz chiqishlari bilan xursand qilib, tadbirni koʻtarinki ruhda olib borishdi.

Uchrashuv soʻngida nuroniylar, oʻquvchilarga dunyoda boʻlayotgan vaziyatlardan misol keltirib, tinchlikning qadriga yetib, shukur qilish kerakligini aytishdi.

Barini yodda tutgan holda, bugungi kunda bor boʻlgan neʼmatlar – tinchlik, xotirjamlik, shuningdek, oilamiz va yaqinlarimiz xavfsizligining qadriga yetaylik.

Osoyishtaligimiz va farovonligimiz bardavom boʻlsin!

Mohigul Rahimqulova,

“Adolat” SDP Buxoro viloyat Kengashi matbuot kotibi.