“Adolat — inson qadri uchun”

Oʻzbekistonda inson qadrining naqadar ulugʻlanishi, eʼzozlanishi xalqimizga yaratib berilayotgan shart-sharoitlar barchasi Muhtaram Prezidentimiz SH.M.Mirziyoevning Oʻzbekiston xalqiga, yoshlarga, kelajagimiz vorislariga yaratilayotgan imtiyozlar, qulayliklar borasida olib borilayotgan ishlari salmogʻi, nafaqaxoʻrlarga nafaqalarning oshirilishi, Farmon va qarorlari kun sayin oshib borayotganligi hammani quvontiradi, albatta. Farzandlarimizga yaratib berilayotgan shart-sharoitlar maktabgacha taʼlim tizimidan boshlab, umumtaʼlim maktablari, oliy va oʻrta-maxsus taʼlimi tizimida yoshlarga barcha sharoitlar yaratilgan boʻlib, yoshlarimiz undan oqilona foydalanishlari, faqatgina vaqtdan unumli foydalanib mashgʻulotlarga oʻz vaqtida qatnashishlari lozim.

Hozirgi kunda birinchi navbatda ishsiz qolgan yoshlarni bandligini taʼminlash masalasi, tadbirkorlikka yoʻnaltirish, kasb-hunar oʻrgatish masalasi eng dolzarb masala boʻlib, uning yechimini topish muhim vazifamizdir. Bu yoʻnalishda ham bizda barcha sharoitlar yaratilgan. Adolat SDP Romitan tuman Kengashi deputatlari ishsiz fuqarolarning har birlari bilan shugʻullanib, ularni oʻziga mos ish bilan taʼminlash, tadbirkorlikka yoʻnaltirish, kreditlar olib berishda koʻmaklashish masalalarida oʻz yordamlarini berishadi. Oʻzbekistonimizni yanada rivojlantirish, gullab-yashnashi uchun oʻz yurtini sevadigan, ardoqlaydigan farzandlarni kamol toptirishda har bir deputat, rahbarlar yoʻl-yoʻriq koʻrsatishi, qoʻllab-quvvatlashi lozim.

Hozirgi kunda televideniye, matbuot, internet saytlarida barcha maʼlumotlar yetarli, undan faqatgina unumli foydalanish kerak xolos. Kitob oʻqish, albatta insonni tarbiyalaydi, kitob oʻqishni odat tusiga aylantirish lozim. Yoshlar oʻrtasida jinoyatchilik va huquqbuzarliklarning koʻpayib borayotganligi, ularni turli yot gʻoyalarga aldanib notoʻgʻri yoʻllardan borayotganligi achinarli hol boʻlib, ularning kitob oʻqimasliklari, toʻgʻri yoʻlni tanlay olmasliklarini bildiradi. Yoshlar oʻrtasida jinoyatchilik va huquqbuzarliklarning oldini olish muhim vazifalarimizdan biridir. Yoshlarning qoʻlga kiritilayotgan yutuqlari, ularning kelajakda bajarilishi lozim boʻlgan vazifalari, bu borada ularning masʼuliyati nechogʻlik ekanligi, yoshlarning innovatsion faoliyatining samaradorligi va ularni qoʻllab-quvvatlash lozimligi toʻgʻrisida oʻz fikr-mulohazalarini bayon etdi.

Oila jamiyatning bir boʻgʻini boʻlib, oila mustahkamligini, tinchligini taʼminlash yurt tinchligini taʼminlash demakdir. Chunki ayol oilada haqiqatdan ham yetakchilik rolini ijro etishi muhimdir. Ayollarimiz oilada farzand tarbiyasi bilan shugʻullanishi, uy-roʻzgʻor yumushlari, oshxonada oziq-ovqat mahsulotlari, oilaning barcha yumushlari ayollar zimmasida boʻladi. Oilaning jipsligini, mustahkamligini taʼminlashda ayol va erkak oʻz vazifalarini farzandlar oldida halol, pok, namunali tarzda bajarishi shart boʻladi. Bunda ayol oʻzining burch va vazifalarini oʻzining turmush oʻrtogʻi va farzandlari oldida namunali tarzda bajarishi, oilaning mustahkam qoʻrgʻon boʻlib turishida faol, tashabbuskor yetakchilik rolini bajarishi lozim. Oilada ayol oila tinchligini taʼminlashda oʻzining bilim va salohiyati yetarli darajada boʻlgandagina oilasining mustahkamligi, tinchligi va ahilligiga erishadi. Tinch-totuv oilada sogʻlom farzandlar kamol topadi. Bu degani oilaning tinchligi, mustahkamligi jamiyatimizning, davlatimizning tinchligi demakdir.

Oʻzbekistonimizda yaratilgan barcha imkoniyatlardan oqilona foydalanib, Oʻzbekistonimizda, inson qadri ulugʻlangan yurtda, tinch-totuv yashab, oʻz bilim va malakamizni oshirib boraylik, shundagina oilalarimiz mustahkam, ahil, inoq boʻladi. Oilalarimiz ahil, inoq, tinch-totuv boʻlsa, jamiyatimiz mustahkamlikka erishadi.

Raxmatillo Xaitov,

“Adolat” SDP Romitan tuman Kengashi raisi.