“Adolat-inson qadri uchun”

Bugun “Oʻzbekiston –inson qadri ulugʻlangan yurt” loyihasi doirasida “Adolat” SDP Shofirkon tumani Kengashi tomonidan tumanda joylashgan markaziy kutubxonada “Adolat-inson qadri uchun” shiori ostida tadbir boʻlib oʻtdi.

Uchrashuvda Shofirkon tuman Kengashi raisi Nodira Berdiyeva, Shofirkon tuman Kengashi deputati Zulfiya Ashurova va “Qalmoqon” MFY aholisi ishtirok etishdi.

Tuman Kengashi deputati Z.Ashurova soʻzga chiqib, Bugungi kunda mamlakatimizning xalqimiz manfaatlari koʻzlangan har bir jabhasida ulkan oʻzgarishlar, islohotlar amalga oshirilayotganligiga toʻxtalib oʻtdi. Shuningdek, inson qadri, erkinligi, baxt-saodati, teng huquqliligi haqidagi gʻoya va qarashlar ulugʻ ajdodlarimiz tafakkurida asrlar osha barq urib kelgan. Bugun Yangi Oʻzbekistonda Prezident Shavkat Mirziyoyev rahbarligida bu gʻoyalar chinakam voqelikka aylanmoqda. Oʻtgan qisqa vaqt ichida inson taqdiri, qadri, xalq manfaatlari davlat siyosati darajasiga koʻtarilayotganligi bular barchasi inson qadri uchun qilinayotgan ishlar ekanligini taʼkidladi.

Xulosa oʻrnida shuni aytish mumkinki, inson huquqlari hamma davrlarda diqqat markazida boʻlib qolgan. Har doim insonlar oʻz shaʼni va qadr-qimmati uchun kurash olib borgan.

Mohigul Rahimqulova,

“Adolat” SDP Buxoro viloyat Kengashi matbuot kotibi.