“Adolatchilar” mahallalarda

Joriy yilning 30-aprel kuni boʻlib oʻtadigan referendumda fuqarolarning faol ishtiroki mazkur siyosiy jarayonning mohiyatini ular qanchalik tushunib yetgani bilan bogʻliq. Shu sabab Yangilanayotgan Konstitutsiyamiz bilan har bir fuqaro yaqindan tanishishi lozim.

“Adolat” SDP Andijon viloyat Kengashi tomonidan Asaka tumanidagi 56-maktabda tashkil etilgan davra suhbati ayni shu maqsadga qaratildi. Unda soʻz olganlar referendum oʻtkazishdan maqsad, uning qonuniy asoslari va saylovchilarning ishtiroki yuzasidan yigʻilganlarga tushuncha berdi. Oʻz oʻrnida Konstitutsiyaviy qonun loyihasiga kiritilayotgan oʻzgartishlar koʻrsatib oʻtildi.
Taʼkidlanganidek, siyosiy voqelik haqida jamoatchilik yetarli maʼlumotga ega boʻlishi shart. Shu sabab asakalik “adolatchilar” mahallalarga yoʻl oldilar. Xonadonlardagi suhbatlar fuqarolarni referendumda faol ishtirok etishga boshlamoqda.

“Adolat” SDP Andijon viloyat kengashi
Matbuot xizmati.