Aholi bandligi-jamiyatimizning eʼtibor markazidagi muhim masala.

Hozirda islohotlar zamirida bugungi farovon turmushimizni yanada yuksaltirish, aholiga munosib turmush tarzi yaratishdek ezgu maqsadlar mujassam. Bandlik esa farovonlik omili. Aholi bandligini taʼminlash maqsadida amalga oshirilayotgan islohotlar bugun chekka hududlarda ham oʻz samarasini bermoqda.

Oliy Majlis Qonunchilik palatasi deputati Nodira Djanibekova Xovos tumanida joylashgan “Textile fashion” MChJ faoliyati bilan tanishdi. Xovos tumanida faoliyat yuritayotgan ushbu toʻqimachilik fabrikasi bugun Yangier shahri, Boyovut va Xovos tumanlarida istiqomat qiluvchi 500 nafardan ziyod xotin qizlarning bandligini taʼminlandi.

Ularning koʻpchiligi ayollar daftarida turgan xotin qizlardir. Ishchilar avtobuslarda uydan olib kelinadi va kechqurun ishchilarni yana fabrika avtobuslari uylariga tarqatib chiqadi. Fabrikada bir mahal bepul issiq ovqat tashkil qilingan. Farzandlari bor ayollarga bogʻcha puli toʻlanib kelinmoqda. Oʻrtacha oylik 1.5 millionni tashkil qiladi. Hozirda fabrikani kengaytirish ishlarini olib borilmoqda. Kuzgacha yana 800 yangi ish oʻrni tashkil qilish rejalashtirilmoqda.

Deputatga MChJ rahbari tomonidan tizimli muammo ochiqlandi. Eksport saloxiyatini oshirish uchun,xususan Yevropa mamlakatlariga mahsulotni chiqarish uchun Sedex sertifikatini olish juda qiyin va qimmat ekanligi bu muammo tekstil bilan shugʻullanadigan barcha korxonalarda hozirda mavjudligi aniqlandi. Agar tekstil korxonalarga mazkur sertifikatni olish jarayoni boʻyicha amaliy yordam koʻrsatilsa ishlab chiqarilayotgan mahsulotlar nafaqat qoʻshni mamlakatlarga, balki Evropa mamlakatlari bozoriga chiqish imkoniyati paydo boʻladi.

Bu borada mutasaddi tashkilotlarga deputat soʻrovi joʻnatishga kelishib olindi.

“Adolat” SDP Sirdaryo viloyat Kengashi

Matbuot xizmati .