Aholini ijtimoiy qoʻllab-quvvatlash yuzasidan sayyor qabul tashkillashtirildi

Inson manfaatlarini taʼminlash uchun avvalo, odamlar bilan, xalq bilan muloqot qilish, ularning hayotiy muammo va ehtiyojlarini yaxshi bilish alohida ahamiyat kasb etadi. Aholini ijtimoiy himoya qilish, yoshlar va ayollarga ijtimoiy, huquqiy yordam berish, ularni bilim va kasb oʻrganishga ishtiyoqi bor boʻlgan ishsiz yoshlar va xotin-qizlarni qoʻllab-quvvatlash maqsadida har bir mahalla, tuman, shahar va viloyat kesimida “Yoshlar daftari” va “Ayollar daftari” tashkil qilinishi fikrimizning yaqqol dalilidir. Aynan shu masalalar koʻrib chiqilgan sayyod qabul ham Samarqand tumanida joylashgan “Qoshmachit” mahalla fuqarolar yigʻinida tashkil etildi.

Ushbu masalalar yuzasidan fuqaro Ahmatqulov Xurshed va Aliqulov Azamat ham dehqon xoʻjaligi boʻyicha oʻz yakka tartibdagi tadbirkorliklarini rivojlantirish yuzasidan murojaat qilgan boʻlsalar. Muxtorova Amira uyining tom qismining taʼmiri masalasi yuzasidan moddiy yordam soʻrab murojaat qildi.

Qabulda koʻrib chiqilgan barcha masalalar yuzasidan tegishli qarorlar qabul qilindi hamda ijobiy hal etilishi yuzasidan, kerakli tashkilotlarga deputatlik soʻrovlar yuborildi.

Sanobar Mirsaidova,

Xalq deputatlari Samarqand viloyat Kengashi deputati.