Albatta ovoz beramiz!

Yangi Konstitutsiyamiz chin maʼnoda yangi Oʻzbekistonning taraqqiyotiga xizmat qiladi, fuqarolarning huquq va manfaatlarini hamma vaqt himoyalaydi. Ishonch bilan aytish mumkin, yurtdoshlarimiz buni yurakdan his etmoqda.
“Adolat” SDP Boʻston tuman kengashi faollari siyosiy jarayon oldidan jamoatchilik orasida ayni shu mavzuda suhbatlar oʻtkazmoqda. Quvonarlisi, barcha birdek referendumda faol ishtirok etib, ovoz berishini bildirmoqda.
Iqboljon Mashrabov, tadbirkor:
— Bilamizki, referendum fuqarolarning oʻz xohish-irodasini umumiy, teng va toʻgʻridan-toʻgʻri bildirishi asosida yashirin ovoz berish yoʻli bilan oʻtkaziladi. Unda ishtirok etish ixtiyoriy va erkindir. Amaldagi qonunchiligimizda belgilangan bu huquqimizdan albatta foydalanamiz. Qolaversa, yangilanayotgan Konstitutsiyamizdagi oʻzgarishlarni qoʻllab-quvvatlaymiz.

“Adolat” SDP Andijon viloyat kengashi
Matbuot xizmati.