“Ayollar daftari”: 4-bosqich roʻyxatga olish ishlari jamoatchilik nazoratida

“Ayollar daftari” ijtimoiy ahvoli va turmush sharoiti ogʻir, ishsiz va ijtimoiy faol boʻlmagan xotin-qizlarni har tomonlama qoʻllab-quvvatlash va himoya qilish, ularga davlat tomonidan manzilli tarzda koʻmaklashish boʻyicha Prezidentimiz tashabbusi bilan ijroga yoʻnaltirilgan aniq tizim hisoblanadi.

Hozir Respublika boʻylab “Ayollar daftari”ning 4-bosqichiga kiritiladigan xotin-qizlar roʻyxatlari shakllantirilmoqda.

Namuna mahallasida “Ayollar daftari”ga kiritishning 4-bosqichida “Adolat” SDP Sirdaryo viloyat Kengashi raisi J.Komilov “Obod yurt” MFYning xotin-qizlar faoli Z.Fayzullayeva, “Sogʻlom avlod uchun” xalqaro xayriya jamgʻarmasi viloyat xodimi N.Olimova bilan birgalikda hududdagi xonadonlarga borib, murojaat qilgan ayollar bilan uchrashib, ularning muammolari oʻrgandi.

Jumladan, “Ayollar daftari”ga kiritish uchun hududdagi 6 toifa boʻyicha shakllantirilgan roʻyxat asosida fuqarolar Fazilova Oksana, Bobonazarova Zarifa, Xalbayeva Sevara, Ashurova Karimalar xonadonlarida boʻlgan faollarimiz ayol-qizlarimizning “Ayollar daftari”ga kirishi sabablari bilan tanishib chiqishdi va ularga “Ayollar daftari”ni yuritish orqali xotin-qizlarga koʻrsatiladigan yordam turlari toʻgʻrisida maʼlumot berildi.

Shuningdek, qaramogʻida nogironligi boʻlgan farzandi mavjud ehtiyojmand xotin-qizlarga “Sogʻlom avlod uchun” xalqaro xayriya jamgʻarmasi viloyat xodimi N.Olimova tomonidan 6 turdagi dori vositalari tarqatilib, tibbiy muolaja uchun maslahatlar berildi.

“Adolat” SDP Sirdaryo viloyat Kengashi
matbuot xizmati.