Ayollar har doim eʼzozda

Ayollarni, qizlarni bahorga qiyoslanadi, bahorni ularga. Goʻzallik, nafosat, yangilanish, hayot davomiyligi bahor va ayol tushunchalarida uygʻunlashib ketadi. Ayol azaldan mehr-shafqat va sadoqat timsoli boʻlib kelgan. Ayol deganda koʻz oʻngimizda avvalo, ulugʻ va tabarruk ona siymosi gavdalanadi. Inson zoti borki, olamdagi barcha yaxshilik va ezguliklarni, hayot sir-asrorlari va saboqlarini onaning mehr-u saxovati tufayli oʻrganadi. Sharqda ayolga boʻlgan hurmat, ehtirom uni qadrlash, uni koʻklarga koʻtarish ota bobolarimizdan meros. Dunyoda “muqaddas” degan soʻzga eng munosib zot ham – Ayoldir.

Ayolni eʼzozlash – bizning millatimiz, xalqimiz uchun oliy qadriyat darajasiga koʻtarilgan fazilat. Chunki ayollarni qancha ulugʻlasak, hayotimizning chirogʻi, umrimizning guli deb eʼzozlasak, demakki, oilamizni, Vatanimizni eʼzozlagan boʻlamiz. 8-mart — Xotin-qizlar bayrami goʻzal va betakror yurtimizga bahor nafasi bilan kirib kelganidan darak beradi. Ayni bayram arafasida mahallalarning faol ayollari va yoshi ulugʻ onaxonlarimiz hollaridan xabar olinadi.

“Adolat” SDP Toyloq tuman Kengashi qoshidagi “Adolatli qaynonalar” Kengashi rahbari Oʻgʻiloy Yuldosheva tomonidan tumandagi Ravot mahallasida yashovchi Abduraxmonova Latofat ayaning holidan xabar olindi va 8-mart — Xotin-qizlar bayram munosabati bilan esdalik sovgʻalari berildi.

Nilufar Akramova,
“Adolat” SDP Tayloq tumani Kengashi raisi.