“Ayollar huquqlari doim himoyada”

“Adolat” SDP Romitan tuman Kengashi hamkorligida tumandagi “Qoʻrgʻon” MFY xotin-qizlari ishtirokida partiyaning “Bir adolatchi-yuz ayolga himoyachi” loyihasi doirasida “Ayollar huquqlari doim himoyada” mavzusida davra suhbati oʻtkazildi.

Tadbirda Romitan tuman Kengashi raisi R. Xaitov, xalq deputatlari Romitan tuman Kengashi deputati L.Avezova hamda mazkur MFY ning xotin qizlari ishtirok etishdi.

Hozirgi kunda davlatimiz tomonidan ayollarni huquqlari, ularni himoyasi, ularga shart-sharoitlar yaratish borasida qator qaror va farmonlar chiqarilib, ijroga yoʻnaltirilganligi yoki Oʻzbekiston Respublikasi Konstitutsiyasiga oʻz aksini topganligi barchamizni quvontirishi bilan bir qatorda, ayollarimizni ruhlantirishi, ish joyida, oilada oʻz oʻrnini topishida sabab boʻladi. Oila- jamiyatning bir boʻgʻini boʻlib, unda zamonaviy ayolning yetakchilik roli hamda oʻrni toʻgʻrisida oʻz fikrlarini bayon etdi. Oila mustahkamligini, tinchligini taʼminlash yurt tinchligini taʼminlash demakdir. Chunki ayol oilada haqiqatdan ham yetakchilik rolini ijro etishi muhimdir. Ayollarimiz oilada farzand tarbiyasi bilan shugʻullanishi, uy-roʻzgʻor yumushlari, oshxonada oziq-ovqat masalalari, oilaning barcha yumushlari ayollar zimmasida boʻladi. Oilaning jipsligini, mustahkamligini taʼminlashda ayol va erkak oʻz vazifalarini farzandlar oldida halol, pok, namunali tarzda bajarishi shart boʻladi. Bunda ayol oʻzining burch va vazifalarini oʻzining turmush oʻrtogʻi va farzandlari oldida namunali tarzda bajarishi, oilaning mustahkam qoʻrgʻon boʻlib turishida faol, tashabbuskor yetakchilik rolini bajarishi lozim. Oilada ayol oila tinchligini taʼminlashda oʻzining bilim va salohiyati yetarli darajada boʻlgandagina oilasining jipsligi, mustahkamligi va ahilligiga erishadi. Tinch-totuv oilada sogʻlom farzandlar kamol topadi.

Bu degani oilaning tinchligi, mustahkamligi –jamiyatimizning, davlatimizning tinchligini demakdir.

Uchrashuv davomida partiyaning ”Ayollar qanoti” Kengashi raisi L.Yodgorova soʻzga chiqib, quyidagicha maʼruza qildi.

Ayollarimizning oila mustahkamligini taʼminlashda yetakchilik roli, mehnat faoliyati davomida olib borilayotgan izlanishlar, erishilayotgan qator-qator yutuqlar jamiyatda ayollarimizning faolligidan darak beradi. Ayollarimiz oʻz bilim va malakalarini zamon bilan hamnafas tarzda oshirib bormoqdalar. Hozirgi kunda oilada farzand tarbiyasi ayollarimizni tarbiyalangan, bilimli va tajribali boʻlishlarini talab etadi. Shunday ekan hozirgi kunda ayollarimizni jamiyatda oʻz mavqeyini mustahkamlash borasida, ularni bilim va malakalarini oshirish borasida barcha sharoitlar yaratilgan. Ushbu imkoniyatlardan foydalanish va oʻz bilim va malakalarimizni oshirib borishimiz oʻzimizga bogʻliq boʻlib qoladi. Hurmatli ayollar mustaqil Oʻzbekistonimizda yaratilgan barcha imkoniyatlardan oqilona foydalanib, oʻz bilim va malakalarimizni oshirib boraylik, shundagina

oilalarimiz mustahkam, ahil, inoq boʻladi. Oilalarimiz mustahkam, ahil, inoq, tinch-tituv boʻlsa, jamiyatimiz mustahkamlikka erishadi. Tinch-totuv oilalarda sogʻlom, barkamol farzandlar yetishib chiqadi, sogʻlom, barkamol farzandlar davlatimiz tinchligiga, rivojlanishiga oʻz hissasini qoʻshadi.

Tadbir soʻngida ishtirokchilar oʻzlarini qiziqtirgan savollar bilan maʼruzachilarga murojaat qilib, oʻz fikr-mulohazalarini bildirdilar va kuy-qoʻshiqlarga navbat berildi.

Mohigul Rahimqulova,

“Adolat” SDP Buxoro viloyat Kengashi matbuot kotibi.