“Biz kelajagimizga befarq emasmiz”

Maʼlumki, yurtimiz boʻylab shu yilning 30-aprel kuni oʻtkaziladigan muhim siyosiy jarayon — Referendumga bagʻishlangan keng koʻlamli targʻibot-tashviqot ishlari olib borilmoqda.

Shu munosabat bilan Adolat SDP Toyloq tuman Kengashi deputati Nosirova Mahliyo va Yoshlar parlamenti aʼzosi Muxlisa Jalilovalar tomonidan tumandagi 58 maktabda Referendum va Konstitutsiyaviy islohotlar targʻibotiga bagʻishlangan “Biz kelajagimizga befarq emasmiz” nomli targʻibot tadbiri oʻtkazildi.

Yangilanayotgan Konstitutsiyada shu kabi inson qadri, manfaati uchun xizmat qiladigan normalar amaldagisidan 3 barobarga koʻp.

Hattoki, ularni amalga oshirish mexanizmlari, davlat organlarining faoliyati ustidan jamoatchilik nazorati oʻrnatilishi nazarda tutilmoqda. Shuningdek Konstitutsiyaviy qonun loyihasida yoshlarga oid yangi normalar belgilanayotgani kelajagimiz egalari koʻtarinki ruhda qarshi olishmoqda.

Tadbir davomida barcha oʻquvchilarni qiziqtirgan savollariga batafsil javob berildi.

Nilufar Akramova,

“Adolat”SDP Tayloq tuman Kengashi raisi.