Biz korrupsiyaga qarshimiz!

Aholi ongida korrupsiyaga nisbatan toqatsizlik dunyoqarashini shakllantirish, ularning huquqiy madaniyatini oshirib borish dolzarb ahamiyatga ega. Buning uchun eng avvalo, fuqarolarimizning ongiga yoshlik davridan boshlab bu illatning qanday ayanchli oqibatlarga olib kelishi haqida tushuntirishlar berib borish lozim. Bu illatni tag-tomiri bilan yoʻqotish uchun tushuntirish va tarbiyaviy ishlarni, huquqiy bilimlarni yetkazib borishimiz kerak.

“Adolat” SDP Buxoro viloyat Kengashining “Ayollar qanoti” raisi Shahnoza Poʻlatova tomonidan Buxoro shahrida joylashgan Koʻp Tarmoqli Markaziy poliklinikada partiyaning “Biz korrupsiyaga qarshimiz!” loyihasi doirasida davra suhbati tashkil etildi.

Tadbir davomida olgan partiyaning viloyat Kengashi “Ayollar qanoti” raisi Sh.Poʻlatova korrupsiya va unga qarshi kurash masalalari, korrupsiyaga nisbatan jamiyatda toqatsizlik madaniyatini shakllantirish toʻgʻrisida fikr-mulohazalar yuritdi. Adolatsizlik, qonunga hurmatsizlik, kasb-u amalga, ishonchga xiyonat qilib boʻlmaslik, poraxoʻrlik va korrupsiyaga, suiisteʼmolchilikka qarshi tibbiyot xodimlari oʻzida immunitet hosil qilishi lozimligini taʼkidladi.

Tadbir jarayonida oʻrtaga tashlangan dolzarb mavzu yuzasidan fikr-mulohazalar yuritildi.

Mohigul Rahimqulova
“Adolat” SDP Buxoro viloyat Kengashi matbuot kotibi.