Biz o’z kelajagimizga befarq emasmiz

Bugungi kunda yurtimizda yoshlarni har jihatdan qoʻllab-quvvatlash davlat siyosati darajasiga koʻtarilganligi yangi tahrirdagi Konstitutsiya bandlarida  ham yaqqol namoyon boʻlmoqda. Mamlakatimizdagi koʻplab soha va yoʻnalishlar qatorida konstitutsiyamizda yoshlar borasidagi masalalarga alohida ustuvorlik berilgan.

OMQP deputati M.Adxamjonova hamda Andijon tumani “Yoshlar qanoti” aʼzolari bilan “Biz befarq emasmiz” shiori ostida tashkil etilgan uchrashuv davomida deputatlarimiz tadbir ishtirokchilari bilan yangi tahrirdagi konstitutsiya yosh avlodning buguni va ertangi kuni uchun ochib berayotgan katta imkoniyatlar borasida o'zaro fikr almashishdi. Yoshlar yetakchisi Jahongir Abdullayev bunday ulkan imkoniyatlar, shart-sharoitlar uchun oʻz minnatdorchiligini bayon etib, yangi tahrirdagi konstitutsiyamiznining 51-moddasida “Fuqarolar davlat taʼlim tashkilotlarida tanlov asosida davlat hisobidan oliy maʼlumot olishga haqli” boʻlayotganlaridan juda ham mamnun ekanligini alohida taʼkidlab oʻtdi.

Uchrashuv davomida M.Adxamjonova Bosh qomusimizga kiritilayotgan oʻzgartirishlarning mazmun-mohiyati, taʼlim va mahalla sohasiga doir muhim jihatlar xususida maʼlumotlar berilib, 30-aprel kuni boʻlib oʻtadigan referendumda faol ishtirok etishlari va oʻz fuqarolik burchini bajarish lozimligi alohida qayd etildi.

“Adolat” CDP Andijon viloyat kengashi Matbuot xizmati.