“Bobur izdoshlari”

“Adolat” SDP Sergeli tuman Kengashi tomonidan Sergeli tibbiyot kollejida Zahiriddin Muhammad Bobur tavalludining 540-yilligi munosabati bilan “Bobur izdoshlari” mavzusida maʼnaviy-maʼrifiy tadbir oʻtkazildi.

Tadbirda olimlar, shoirlar, ziyolilar, deputatlar, partiya faollari, kollej oʻqituvchi va talabalari ishtirok etdi.

Aytish kerakki, Bobur siymosi vatanimiz tarixida oʻchmas iz qoldirgan. Uning bizgacha yetib kelgan asarlari hali hamon oʻz ahamiyatini yoʻqotmasdan kelmoqda. Bugungi avlod undan oqilona foydalanishi, ushbu buyuk shaxsga munosib voris boʻlishi lozimligi taʼkidlandi.

Tadbir davomida tashkilotchilar Xalq deputatlari Toshkent shahar Kengashi deputati Tursunov Sobir Turdiyevich hamda partiya Sergeli tuman Kengashi raisi Shaxlo Xoʻjayeva soʻzga chiqib, oʻz nutqlarida Bobur shaxsi haqida koʻpgina maʼlumotlar aytishdi.

Kollejning iqtidorli talaba yoshlari tomonidan Bobur Mirzo hayoti bilan bogʻliq qiziqarli sahna koʻrinishlari namoyish etildi. Gʻazal-ruboiylari asosida diltortar kuy-qoʻshiqlar yangradi.

Mehriniso Yakubova,

“Adolat” SDP Toshkent shahar Kengashi matbuot kotibi