Bobur Mirzo yodga olindi

“Adolat” SDP Mirzo Ulugʻbek tumani Kengashi, “TIQXMMI” Milliy-tadqiqot universiteti hamda “Internatsional House Tashkent” akademik litseyi bilan hamkorlikda Zahiriddin Muhammad Bobur tavalludining 540 yilligi munosabati bilan tadbir tashkil etildi.

“Internatsional House Tashkent” akademik litseyida boʻlib oʻtgan tadbirda tashkilotchilar bilan bir qatorda 100 dan ortiq oʻquvchilar ishtirok etdi. Ishtirokchilar nutqining soddaligi va hissiyotliligi, Bobur shaxsining murakkab gʻoyalari tinglovchilarga oson yetkazilishi tadbirining oʻziga xos yutugʻi boʻldi.

Mazkur tadbirni “Internatsional House Tashkent” akademik litseyining yosh oʻquvchilari oʻrtasida oʻtkazishdan asosiy maqsad asosida bugungi yosh avlodni Boburning insoniylikka, vatanparvarlikka yoʻgʻrilgan ijodini anglash va uni oʻrganishga jalb qilish yotadi.

Tadbir davomida Bobur ijodidan namunalar oʻqigan Abdujabborova Shahrizoda, Alikulov Bahodir, Atajanov Shohruh, Hametova Alinalarga sertifikat bilan birga litsey direktori Alisher Tillayev tomonidan “Amirsoy” dam olish maskaniga sayohat qilish uchun kupon taqdim etildi.

Aygul Pernebekova,

“Adolat” SDP Mirzo Ulug'bek tuman Kengashi raisi.