Bogʻotda obodonlashtirish ishlari izchillik bilan olib borilmoqda

Mahalla haqida soʻz ketganda har bir insonning oʻzi istiqomat qilayotgan joy, undagi oʻzgarishlar, yaratilayotgan sharoitlar koʻz oldingda namoyon boʻladi.

Davlatimiz tomonidan mahallalarning ijtimoiy — iqtisodiy dasturlarning aholi talabidan kelib chiqib amalga oshirilib kelinayotgani, fuqarolarning yashash sharoitini anchagina yuqori pogʻonalarga koʻtardi desa, xato boʻlmaydi.

Partiyaning Bogʻot tuman Kengashi faollari ham mahallalar obodligiga alohida eʼtibor qaratib bir qator namunali ishlarni amalga oshirishmoqda.

Partiyaning faoli, Bogʻot tuman “Dehqon bozor” MCHJ rahbari Anvarbek Matyaqubovning saʼy harakatlari bilan partiyaning tuman Kengashi faollari hamkorligida   “Yuksalish” mahallasida joylashgan 12 — sonli umumtaʼlim maktabining 2023-2024-yil kuz — qish mavsumiga tayyorgarlik darajasi oʻrganildi. Mavsumni betalofat oʻtkazish maqsadida kommunal sohaga daxldor xizmatlarning ish sifati va samaradorligini oshirish boʻyicha zarur choralar koʻrilganligi kuzatildi.

Shuningdek, faollar yetakchiligida mahallada obodonlashtirish ishlari ham izchillik bilan olib borildi. Maktab atroflari, koʻchalar, ariqlar tozalandi. Kam taʼminlangan aholining uy — joylari hashar yoʻli bilan taʼmirlandi.

Shuningdek , ushbu mahallada kam taʼminlangan oilalarning muammolari oʻrganildi.

Birinchi va ikkinchi guruh nogironligi boʻlgan fuqarolarning holidan xabar olinib, oziq-ovqatlar tarqatildi va ularning muammolari yechimini hal qilish yuzasidan chora-tadbirlar boshlab yuborildi.

Tumanimizda bu kabi tadbirlar uyushqoqlik bilan olib borilmoqda.

                                                                            Saodat Masharipova,

         “Adolat” SDP Bogʻot tuman Kengashi “Ayollar qanoti” raisi.