Bogʻotlik faol adolatchi ayollar OAV nigohida

“Adolat” SDP Xorazm viloyat Kengashi tashabbusi bilan hayotga tatbiq etilib kelinayotgan “Eʼzoz va eʼtibor” loyihasi doirasida Xorazm teleradiokompaniyasi bilan hamkorlikda yurtimiz ravnaqi, xalqimiz farovonligiga munosib hissasini qoʻshib kelayotgan partiyamizning faol adolatchi ayollarini mashaqqatli va sharafli mehnatlari orqali oila va jamiyatdagi tutgan munosib oʻrni va rolini hamyurtlarimiz eʼtiboriga havola etib, namuna sifatida koʻrsatilib kelinmoqda.

Galdagi xizmat safarimiz bogʻotlik adolatchi ayollarimizning namunali faoliyati va hayoti toʻgʻrisida suhbatlashish va   ommaviy axborot vositalari, internet ijtimoiy tarmoqlar orqali namoyon etishdan iborat boʻldi.

Suhbat jarayonida tumandagi “Nurafshon” shaharchasida istiqomat qilayotgan partiyamiz faollaridan partiyaning Bogʻot tuman “Ayollar qanoti” raisi Saodat Masharipova, tumandagi 3- IDUM direktor oʻrinbosari Munira Mirzayeva, “Nurafshon” mahallasi xotin-qizlar faoli Saboxat Qurbanovalarning faoliyati bilan yaqindan tanishdik.

Saodat Masharipovaning namunali oilasi hamda “Adolat” SDPning dasturiy-gʻoyalarini bajarishdagi faolligi eʼtirof etilgan boʻlsa, Munira Mirzayevaning taʼlim sohasidagi erishgan yutuqlari va qogʻozdan gullar yasash boʻyicha qobiliyati va tadbirkorligi eʼtiborimizni tortdi.

Sabohat Qurbonova esa “Nurafshon” shaharchasida olib borilayotgan islohotlar, gulchilik, shirinliklar pishirish, tikuvchilik va boshqa yoʻnalishlar boʻyicha ayollarimiz oʻz oilalarini farovonligini taʼminlashga hissa qoʻshayotgani toʻgʻrisida gapirdi.

Qahramonlarimiz, suhbat davomida mamlakatimizda ayniqsa, ayollarning ijtimoiy, iqtisodiy, siyosiy faolligini oshirish uchun eʼtibor qaratilib, imkoniyatlar yaratilayotgani xususida mamnuniyat bilan taʼkidlashdi.

Xizmat safarimizni yakunlar ekanmiz, jamiyatda ayollarimizning oʻrni tobora mustahkamlanib, faollashib borayotganidan, yaratilayotgan imkoniyatlardan samarali va oqilona foydalanib, roʻzgʻorini bekami-koʻst qilib farovonligini taʼminlayotganidan bir olam quvonchi taassurotlar bilan qaytdik.

                                                                                                   Zamira Abdullaeva,

“Adolat” SDP Xorazm viloyat Kengashi matbuot kotibi.