Bolalar salomatligiga barchamiz birdek mas'ulmiz!

Bolalar salomatligi – bu jamiyat taraqqiyoti, yurt farovonligi va ertangi kunga ishonch demakdir. Farzandlari sog'lom yurtgina taraqqiy etadi, yuksaladi. Millatning farzandlar sog'lom va barkamol bo'lsa, shundagina ushbu millatning jamiyatda ma'naviy sog'lom muhit yuzaga keladi. Ayniqsa, yosh avlod salomatligi bugungi jamiyat hayoti uchun har jihatdan ahamiyatlidir.

Muhtaram Prezidentimiz tashabbuslari bilan Qoraqalpog'iston Respublikasida bolalar salomatligiga  alohida e'tibor qaratilib, barcha boshlang'ich sinflarda bepul ovqatlanish amaliyoti joriy etilgan edi. Bu borada mas'ullar tomonidan ham birqancha chora-tadbirlar belgilanib, chinakam maqtovga loyiq ishlar amalga oshirildi.

Lekin, ayrim qo'shtirnoq ichidagi mas'ul shaxslar joriy yilning 26 fevral kuni Kegeyli tumanida joylashgan 1-8-19-55-sonil umumt'alim maktablariga bolalar uchun yetkazib berilgan oziq-ovqat mahsulotlarining sifatsiz ekanligi ko'ra-bila turib, iste'molga yaroqsiz bo'lgan mahsulotlarni tarqatgan.

Mazkur holat ijtimoiy tarmoqlarda keng tarqalib, aholi orasida ko'plab muhokamlarga sabab bo'ldi.

O'z o'rnida «Adolat» SDP Kegeyli tumani Kengashi tomonidan mazkur holat yuzasidan mahalliy Kengash deputatlari va tegishli tashkilotlar ishtirokida mahsus ishchi guruh tuzilib, yuqorida nomi keltirilgan umumta'lim maktablarida oziq-ovqat mahsulotlarining sifat nazorati o'tkazildi. Natijada mazkur holat yuzasidan tegishli tartibda nazorat ishlari yo'lga qo'yilib aniqlangan muammolar o'z joyida bartaraf etilgan.

Hozirda, ushbu umumta'lim maktablariga sifatli oziq-ovqat mahsulotlari yetkazib berilmoqda.

Xulosa qilib shuni aytish mumkinki, sog'lom avlod – bu millat kelajagi. Bugungi islohotlarda yoshlarning o'rni g'oyat muhim bo'lib turgan bir davrda bunday ko'ngilsiz holatlarning yuzaga kelishi, barchamizni atrofimizda bo'layotgan voqe-hodisalarga yana bir bor befarq bo'lmaslika chaqirdi.

Baxadir JUZBAEV,
«Adolat» SDP Qoraqalpog'iston
Respublikasi Kengashi matbuot kotibi