Bolalarga nisbatan tazyiq va zoʻravonlik oʻtkazishning oldini olishga qaratilgan huquqiy mexanizmlarni kuchaytirish boʻyicha qonun loyihasi muhokamasi boʻlib oʻtdi

Хalq deputatlari Qorovulbozor tuman Kengashi deputati, “Adolat” SDP Qorovulbozor tuman Kengashi raisi Nurali Eshmurodov tomonidan tuman kasb hunar maktabida “Bolalarga nisbatan tazyiq va zoʻravonlik oʻtkazishning oldini olishga qaratilgan huquqiy mexanizmlarni kuchaytirish boʻyicha qonun loyihasi muhokamasiga bagʻishlangan” mazkur maktabining oʻquvchi yoshlari ishtirokida tadbir tashkil qilindi.

Tadbirda tuman Kengashi raisi soʻzga chiqib, bugungi kunda turli yoshdagi bolalar oʻrtasida, shuningdek oʻquvchi va oʻqituvchilar, taʼlim muassasalarining boshqa xodimlari hamda oilalarda bolaga nisbatan tazyiq va zoʻravonlik oʻtkazish holatlari — bulling koʻpayib borayotganligi, (bulling — bolalar va oʻsmirlar oʻrasidagi zoʻravonlik) bolalarga zoʻravonlik negativ oqibatlarga, tan jarohati yetkazilishi, eng ayanchlisi oʻlim holatlariga olib kelayotganligiga toʻxtalib oʻtdi.

Uchrashuv davomida tashkilotchilar tomonidan oʻquvchi yoshlarga mazkur qonun loyihasining har bir bandiga toʻxtalib, ishtirokchilarga tushunchalar berildi.

Xulosa oʻrnida shuni taʼkidlab oʻtish joizki, oʻtkazilayotgan shu va shu kabi tadbirlar, bolalarga nisbatan shafqatsiz muomala holatlarini oʻz vaqtida aniqlash va bolaga yordam koʻrsatish uning salomatligi va rivojlanishida salbiy holatlarni kamaytirish imkonini beradi, ijtimoiy yetimlik, voyaga yetmaganlar orasida deviant axloq, suitsidni profilaktika qilishga koʻmaklashadi.

Mohigul Rahimqulova,

“Adolat” SDP Buxoro viloyati Kengashi matbuot kotibi.