Bugunning vazifasi yoshlar bandligini taʼminlash

“Adolat” SDP Gʻuzor tuman va tuman yoshlar tashkilotlari hamkorligida tuman Yoshlar agentligi binosida   “Bizning bosh maqsadimiz – aholi bandligi” mavzusida tadbir boʻlib oʻtdi. Unda mahalliy Kengash deputatlari, yoshlar, tumandagi 20 dan ortiq MFY lar yoshlar yetakchilari, “Yosh adolatchilar” qanoti aʼzolari qatnashdi.

Tadbirda “Yosh adolatchilar” qanoti yetakchisi xalq deputatlari tuman Kengashi deputati Kamoliddin Kamolov kun tartibidagi masala yuzasidan soʻzga chiqdi.

-Bugun yoshlar masalasi siyosati darajasiga koʻtarildi,-dedi Kamoliddin Kamolov.- Yangi Oʻzbekistonda yoshlarga munosabat tubdan oʻzgarganiga hammamiz guvoh boʻlib turibmiz. Prezidentimiz saylovdan keyin oʻz vazifasini bajarishga kirishishiga bagʻishlab oʻtkazilgan yigʻilishda soʻzlagan maʼruzasida va viloyatlarga tashriflari chogʻida yoshlar muammolari hamda ularni bandligini taʼminlash masalasiga alohida eʼtibor qaratyaptilar. Bu dolzarb masalaga bizning tumanimizda ham alohida eʼtibor berilyapti. Birinchi navbatda ishsiz yoshlarga gʻalladan boʻshagan maydonlar ajratilishi hisobiga 63 nafar yoshlar ijtimoiy foydali mehnatga jalb etildi. Mono markazlar bilan hamkorlikda 30 nafardan ziyod yoshlar kasb hunarga oʻqitildi.

 Tadbirda Oliy Majlis Qonunchilik palatasi deputati yordamchisi, yosh adolatchilar qanoti faoli Shodmon Eshboyev, xalq deputatlari tuman Kengashi deputati Erkin Pardayev va boshqalar ham soʻzga chiqib   iqtidorli yoshlarni kashf qilish, ularning tashabbus va intilishlarini har tomonlama qoʻllab-quvvatlash maqsadida keng imkoniyatlar yaratish, bandligini taʼminlash lozimligi xususida oʻz fikr mulohazalarini bildirdilar.   Tuman markazi va qishloqlardagi tashabbuskor yoshlarning iqtisodiyot, taʼlim, sport, sogʻliqni saqlash, axborot texnologiyalari kabi sohalardagi gʻoyalarini roʻyobga chiqarish uchun sharoit yaratish yuzasidan takliflarni ilgari surdilar.

Tadbirda yoshlarni tadbirkorlik faoliyatlarini yoʻlga qoʻyib olishlari uchun banklardan kredit va subsidiyalar olishlari uchun tushuntirish hamda yoʻl-yoʻriqlar berildi. Uyda oʻtirgan 40 nafardan ziyod qizlar partiya faollari va tumandagi mutasaddi idoralar koʻmagida kasanachilik ishlariga jalb etildi.

          Bahrom Mustafayev,

“Adolat” SDP Gʻuzor tumani Kengashi raisi.