Buxoro tumanida Konstitutsiya bilimdoni aniqlandi

Yoshlarning siyosiy bilimlari hamda huquqiy madaniyatini yanada oshirish, bu borada ularning amaliy koʻnikmalarini shakllantirish, yoshlarni Oʻzbekiston Respublikasi Konstitutsiyasi va boshqa qonun hujjatlariga hurmat ruhida tarbiyalash, ular orasida milliy qonunchiligimizdagi yangiliklarni keng targʻib etib borish, iqtidorli yoshlarni aniqlash, ularning oʻz iqtidorlarini namoyon etishlari va jamiyat hayotidagi ijtimoiy-siyosiy faolligini oshirishlari uchun imkoniyatlar yaratish bugungi kunning muhim vazifalaridan biridir.

Ana shu maqsadda hozirda Respublikamiz hududlari boʻylab “Adolat” SDPning “Vatan kelajagi yoshlar qoʻlida” loyihasi doirasida “Konstitutsiya bilimdoni” koʻrik-tanlovining shahar va tuman bosqichlari boshlandi.

Koʻrik-tanlovning navbatdagisi partiyaning Buxoro tumani Kengashi tashabbusi bilan ishtirok etdilar.

Tanlov belgilangan nizom asosida 3 bosqichda oʻtkazildi. Koʻrik-tanlovda oʻquvchilar partiyalar toʻgʻrisidagi, taʼlim yoʻnalishidagi Konstitutsiyaga oid bilimlari, sahna madaniyati, notiqlik mahorati hamda ijodiy qobiliyatlarini sinovdan oʻtkazdilar. Tadbirda hakamlar hayʼati oʻquvchilarning chiqishlarini ochiq, oshkora ovoz berish yoʻli bilan baholab bordilar.

Koʻrik-tanlov jarayonlari yuqori saviyada tashkil etilib, qizgʻin bahs-munozaralarga boy boʻldi. Shuningdek, tadbirda oʻquvchilar tomonidan tayyorlangan turli xil chiqishlar, Konstitutsiyamizda belgilangan har bir millat va elat vakillarining qonun oldida tengligini sahna koʻrinishlar, raqs hamda musiqa cholgʻulari orqali namoyish etdilar.

Ishtirokchilar chiqishlarini yakunlagandan soʻng hakamlar hayʼati tomonidan oʻrganib chiqilib, tadbir soʻngida xulosa va izohlar berildi.

Natijaga koʻra, eng yuqori koʻrsatkichni tuman kasb-hunar maktabi oʻquvchisi Ismoilova Dilnoza viloyat bosqichiga yoʻllanmani oldi. Gʻolibga partiyaning faxriy yorliq hamda qimmatbaho esdalik sovgʻalari topshirildi.

Tashkil etilgan koʻrik-tanlov oʻquvchilarning bilimlarini yanada oshirib olishlariga xizmat qildi.

Mohigul Rahimqulova,

“Adolat“ SDP Buxoro viloyat Kengashi matbuot kotibi.