Deputat aholi muammolarini oʻrgandi

Partiyaning “Muammo bilan yuzma yuz” loyihasi doirasida Xalq deputatlari Termiz tuman Kengashidagi deputatlik guruhi aʼzosi Nafosat Karimova tumandagi mahallalarda boʻlib aholi bilan muloqot qildi.

Xususan, tumanning “Qoraxon”, “Amir Temur”, “Sharof Rashidov” mahallalaridagi aholi xonadonlarida olib borilayotgan obodonlashtirish ishlari bilan tanishdi va masʼullarga tegishli koʻrsatmalar berdi. Mazkur mahallalarda bugungi kunda 5 mingdan ziyod aholi istiqomat qilib kelayotgan boʻlsa, yarmidan koʻpini xotin-qizlar tashkil etadi.    

Mahallalarda istiqomat qiladigan kam taʼminlangan, ijtimoiy himoyaga muhtoj, nogironligi bor, yoshlar, ayollar, temir daftarlarida turgan ishsiz fuqarolarning bandligini taʼminlash, koʻp bolali oilalar, doimiy daromadga ega boʻlmagan, boquvchisini yoʻqotgan oilalarning holidan xabar olish, ularning murojaatlarini tinglash maqsadida tuman Kengashi deputatlari, hokim yordamchilari, yoshlar yetakchilari, mahalla xotin-qizlar faollari tegishli tashkilotlar bilan hamkorlikda ish olib borilmoqda.

Bugun ham deputat mutasaddi tashkilotlar vakillari bilan birgalikda mahalladagi fuqarolarning muammolariga quloq tutildi.

Fuqarolar tomonidan yoʻllarni taʼmirlash, transformatorda tok kuchlanishi pastligi, baʼzi koʻchalardagi piyodalar yoʻlakchasiga svetofor oʻrnatish, ijarada yashayotgan fuqarolarning uy-joyga muhtojligi, kasalligi sabab nogironlik nafaqasiga chiqolmay yurganligi kabi masalalarda murojaatlar qilindi.

-Hududlardagi kam taʼminlangan, ehtiyojmand oilalar va nogironligi bor shaxslar holidan xabar olinib, ularga maʼnaviy va moddiy yordam koʻrsatildi,-deydi deputat Nafosat Karimova.- Jumladan, “Qoraxon” mahalla fuqarolar yigʻinidagi nogironligi boʻlgan farzandini tarbiyalayotgan oilaga gaz plitasi sovgʻa qilindi. Bundan tashqari, “Amir Temur” hamda “Sharof Rashidov” mahalla fuqarolar yigʻinlarida nogironligi boʻlgan farzandlari bor oilalarga oziq-ovqat mahsulotlari topshirildi.Aholining gaz, elektr masalasi borasidagi muammolari tuman masʼul rahbarlari bilan yuzlanib muammo hal qilindi. Qolgan murojaatlar yuzasidan tegishli tashkilotlarga deputatlik soʻrovi joʻnatilib, nazoratga olindi.

Gulshod Tursoatova,

“Adolat” SDP Surxondaryo viloyat Kengashi matbuot kotibi.