Deputat aholi murojaatlariga yechim topmoqda

Joriy yilning 23 fevral kuni Oʻzbekiston Respublikasi Oliy Majlis Qonunchilik palatasi deputati O.Abdullayeva Toshkent shahar Mirobod tumani fuqarolaridan kelgan murojaatlar yuzasidan tuman hokimligi mutasaddi rahbarlari bilan uchrashuv oʻtkazdi.

Mirobod tumani Sodiq Azimov koʻchasi 5-uyda gaz va havo aralashmasining chaqnashi oqibatida sodir boʻlgan portlash natijasida moddiy-maʼnaviy zarar koʻrgan fuqarolarga uy-joy masalasida kompensatsiya toʻlash yuzasidan hozirgi kunda olib borilayotgan ishlar va hujjatlar bilan tanishdi.

Mirobod tumani hokimligi tomonidan mutasaddi tashkilotlardan talab etiladigan hujjatlar toʻliq jamlanganda Xalq deputatlari Toshkent shahar Kengashi sessiyasida koʻrib chiqilishi uchun kiritilishi taʼkidlab oʻtildi.

Shuningdek, jarayonda quyidagi masalalar ham oʻrganildi:

1. Bandlik masalasi. Tuman uchun 83000 ta yangi ish oʻrini yaratilishi belgilangan boʻlib, bu borada tasdiqlangan chora-tadbirlar rejasi olindi;

2. Investitsiya dasturi asosida barpo etilgan muassasalarning hozirgi holati, ishga tushirilish muddati boʻyicha suhbat oʻtkazildi;

3. Tumanda kuz-qish mavsumiga tayyorgarlik yuzasidan olib borilayotgan chora-tadbirlar rejasi muhokama etildi.