Deputat  aralashgach, fuqaro ishli bo‘ldi

Xalq deputatlari Mirishkor tuman Kengashi deputati  Sarvinoz Abdullayeva  11-Avvona saylov okrugi fuqarolari bilan uchrashganda Munira Sharipova mutasaddi idoralarga bir necha bor murojaat qilishiga qaramay oilada besh kishi yashashi, ishga kira olmasdan sarson bo‘layotganligini ma’lum qiladi. Deputat murojaatni o‘rganib, fuqaro Munira Sharipovani Jeynov MFYdagi “Kichkintoy bilag‘on”  DXSHMTTga  ishga joylashishiga amaliy yordam berdi. Fuqarolar  qo‘yayotgan har bir masala va muammoga jiddiy e’tibor qaratib, yechimini topishga urinayotgan deputat Sarvinoz Abdullayeva birgina o‘tgan  oyda oilalar va xotin-qizlar muammolarini o‘z vaqtida aniqlash, manzilli ko‘maklashish maqsadida mahalla raisi, hokim yordamchisi, yoshlar yetakchisi hamda profilaktika inspektori bilan hamkorlikda ishsiz bo‘lgan 58 nafar xotin qizlarning o‘zini-o‘zi band qilishga erishdi. Tadbirkorlik bilan shug‘ullanish istagida bo‘lgan 23 nafar ayollarga esa tikuvchilik va xizmat ko‘rsatish yo‘nalishlarida kredit ajratilishiga ko‘maklashdi. Yangi Jeynov MFY hududida istiqomat qilib kelayotgan 36 nafar ayollar deputat tashabbusi va beminnat yordami tufayli “Xotin-qizlar tadbirkorlik markazi” o‘quv kurslariga tikuvchilik yo‘nalishida o‘qitilib, sertifikat bilan ta’minlandi.

-Endi tadbirkorlik bilan shug‘ullanaman,-deydi MFY a’zosi Muhayyo Qurbonova.-Men kabi oddiy odamlarning dardini eshitib, tashvishlarini o‘rganib, yordam berayotgan “Adolat” SDP faollari va deputat Sarvinoz Abdullayevaga minnatdorchilik bildiraman.

                                     To‘lqin Xidirov,

O‘zbekiston “Adolat” SDP Mirishkor tuman Kengashi raisi.