Deputat eʼtibori tufayli yolgʻiz ayolning mushkuli oson boʻldi

Deputatlik guruhi aʼzosi Venera Husainova aholi va yoshlar oʻrtasida qabul qilinayotgan yangi qonunlar mazmun mohiyatini keng tushuntirmoqda. Ayniqsa, erta turmush qurishning salbiy oqibatlari, Gender tenglik, jinoyatchilikni keltirib chiqarayotgan sabablar haqida targʻibot olib boryapti. U ham mahallalarga tez-tez tashrif buyurib, fuqarolarning mushkulini oson qilishga harakat qilmoqda. Mamlakatimiz mustaqilligining 32 yilligi keng nishonlangan ushbu kunlarda u oʻndan ortiq kam taʼminlangan, muhtoj oilalar holidan xabar oldi.

Nogiron Nasiba Mirzayeva Oltin dala MFYda yakka yolgʻiz yashaydi. Oʻzgalar parvarishiga muhtoj. Deputat Venera Husainova u yashayotgan xonadonda boʻlib, moddiy yordam koʻrsatdi. Homiylar ishtirokida uy-joylari tartibga keltirildi. Kuz qish mavsumi oldidan uylari taʼmirlab berildi.

Deputatlik xalqning ishonchi. Prezidentimiz alohida taʼkidlaganlaridek, har bir rahbar, deputat, davlat xizmatchisi xalqqa koʻproq yaqinlashsa, aholining dardini tinglab, muammolarini hal etsa, odamlar hayotdan rozi boʻladi. Deputatlik guruhi aʼzolari ham kecha-yu kunduz odamlar orasida boʻlib, saylovchilar ishonchini oqlashga harakat qilyaptilar.

Sharofat Umbarova,

                        Partiya faoli.