Deputat Inna Korjikova Navoiylik saylovchilar bilan uchrashdi

Navoiy viloyati Doʻstlik va NNTlar uyida “Adolat” SDPdan Oliy Majlis Qonunchilik palatasi deputati Inna Korjikovaning viloyat madaniyat markazlari raislari, joylardagi nodavlat notijorat tashkilotlari rahbarlari, jamoatchilik vakillari va saylovchilari bilan uchrashuvi boʻlib oʻtdi.

Tadbirda I.Korjikova tomonidan “Oʻzbekiston Respublikasining ayrim qonun hujjatlariga saylov va referendum oʻtkazish tartibini yanada takomillashtirishga qaratilgan oʻzgartirish va qoʻshimchalar kiritish toʻgʻrisida” qonun loyihasi hamda saylov qonunchiligini takomillashtirishga qaratilgan 7 ta qonun loyihasining mazmun-mohiyati va ahamiyati toʻgʻrisida ishtirokchilarga batafsil maʼlumot berildi.

Xususan, I.Korjikova kelgusi yilda Oliy Majlis Qonunchilik palatasiga hamda xalq deputatlari mahalliy Kengashlariga saylov oʻtkazish taklif etilayotganini maʼlum qildi.

Taʼkidlanganidek, saylov qonunchiligiga kiritilayotgan muhim oʻzgartishlardan biri kelgusi saylovlar aralash saylov tizimiga oʻtkazilishi belgilanmoqda. Unga koʻra (koʻpchilik, proporsional) va mojoritar saylovlardir. Bundan buyon esa saylov okruglari bir mandatli va yagona saylov okruglariga boʻlinadi. Shuningdek, Qonunchilik palatasi deputatlarining 75 nafari bir mandatli saylov okruglari boʻyicha majoritar saylov tizimi boʻyicha, qolgan 75 nafari esa yagona saylov okrugi boʻyicha partiya roʻyxati boʻyicha proporsional tizim boʻyicha saylanishi nazarda tutilmoqda.

Shuningdek, Konstitutsiyaviy qonunning qabul qilinishi natijasida qonun hujjatlari referendum va saylov toʻgʻrisida Oʻzbekiston Respublikasining yangi tahrirdagi Konstitutsiyasiga muvofiqlashtiriladi, deputatlik korpusini tashkil etishning majoritar-proporsional shakliga asoslangan saylov tizimini joriy etish uchun huquqiy asos yaratiladi. Qonunchilik palatasi deputatlik korpusini tashkil etishning majoritar-proporsional shakliga asoslanadi.

Uchrashuv jonli muloqot tarzida oʻtdi va tadbir ishtirokchilari oʻzlarining faol siyosiy pozitsiyalarini bildirdilar.

“Adolat” SDP

Navoiy viloyat Kengashi Matbuot xizmati.