Deputat koʻmagi bilan bir qator murojaatlar ijobiy yechim topdi

Oliy Majlis Qonunchilik palatasi deputati Maqsud Qurbonboyev xonqalik saylovchilari orasida boʻlib, muammolarni oʻrgandi.

Xususan, deputat tumandagi “Obod” mahallasida joylashgan 52- son umum oʻrta taʼlim maktabining kuz-qish mavsumiga tayyorgarlik darajasini oʻrganganida, tayyorgarlik ishlari talab doirasida ekani kuzatildi.

Shundan soʻng faollar shu mahallada joylashgan 29-son umum oʻrta taʼlim maktabiga tashrif buyurishganda maktab direktori Ravshan Roʻzmetov maktabni old qismini devor bilan oʻrab olish masalasida amaliy yordam soʻrab murojaat qildi. Deputatning mazkur masala yuzasidan tuman Moliya boʻlimiga qilgan murojaati eʼtiborga olinib, muammo ijobiy yechimini topdi.

Faollar “Muqaddas” mahallasida joylashgan 12- son maktabgacha taʼlim muassasasida bolalarga yaratilgan shart- sharoitlar va kuz- qish mavsumiga tayyorgarlik darajasini oʻrganganida, Maktabgacha taʼlim muassasa mudirasi Tojigul Ibadullayeva bolalar uchun ichki hojatxonaning mavjud emasligi bois, bir qator qiyinchiliklar boʻlayotgani xususida gapirib, mazkur masalada amaliy yordam soʻrab qilgan murojaati ham eʼtiborga olindi.

Xonqa tuman “Znaxos”mahallasida yashovchi “Ayollar daftari” ga kiritilgan Sevara Xasanova tadbirkorligini yanada kengaytirish maqsadida subsidiya asosida tikuvchilik mashinasi olishga amaliy yordam soʻrab qilgan murojaati ham qanoatlantirildi va bu murojaatga Hokim yordamchisi Quranboy Jabbarovning eʼtibori qaratilib, bir qator saʼy harakatlardan soʻng murojaatchiga tikuvchilik mashinasi olib berildi.

Deputat uchrashuvlari davomida mamlakatimizda olib borilayotgan islohotlar, yaratilayotgan sharoitlar, berilayotgan imkoniyatlardan samarali foydalanish har bir yetakchining vazifasi ekani va boshqa qaror va farmonlarning mazmun mohiyati yuzasidan atroflicha tushunchalar berdi.

Shuningdek, uchrashuvlar davomida “Yashil makon” loyihasi doirasida mahalla faollariga, muassasa yetakchilariga atrof-muhitni toza tutish, mevali va manzarali koʻchatlarni ekish kabi tavsiyalari ham saylovchilarning diqqat markazidan joy oldi.

Bir soʻz bilan aytganda, deputatning saylovchilari bilan bu kabi muloqotlari, fuqarolarning yashash sharoitini yuqori pogʻonaga koʻtarish orqali mamlakatimiz rivoji uchun ahamiyati kattadir.

                                                                                                   Zamira Abdullaeva,

     “Adolat” SDP Xorazm viloyat Kengashi matbuot kotibi.