Deputat koʻmagi bilan muammolar bartaraf etilmoqda 

Deputat koʻmagi bilan muammolar bartaraf etilmoqda   Partiyaning xalqimiz orasidagi nufuzi saylovchilarga bergan vaʼdasining qay darajada bajarayotganiga   ham bogʻliqligi hech kimga sir emas. Soʻngi yillarda deputatlarning faolligi ancha ilgarilab, saylovchisi oldidagi burch va vazifasini izchillik bilan amalga oshirayotgani ommaviy axborot vositalari hamda internet ijtimoiy tarmoqlari orqali sezilarli kuzatilmoqda. Bunga misol qilib yangiariqlik deputatlarimizni ham faol deputatlar qatorida sanab oʻtish mumkin. Yangiariq tuman Kengashi deputat Shavkat Xudayberganovni tez-tez saylovchilari orasida uchratish mumkin. U saylovchilari bilan xonadonma-xonadon yurib, ularni qiynayotgan muammolarini bartaraf etishga erishmoqda.Deputatning partiya Yangiariq tuman Kengashi raisi Barnogul Abdullayeva bilan hamkorlikdagi bu galgi xizmat safari ham har qachongiday samarali kechdi.Faollar “Yangi yer” mahallasida istiqomat qilayotgan, baxtsiz hodisadan aziyat chekkan Odomboy Jumaniyozov bilan suhbatlashib uning murojaatlarini eshitishdi va mazkur masala yuzasidan tuman hokimi nomiga deputatlik soʻrovi chiqardi.

Deputat soʻrovi eʼtiborga olinib, masala tuman Kengashi sessiyasida koʻrildi va murojaatchiga “Saxovat va koʻmak” jamgʻarmasidan 5 mln soʻm ajratildi. Yordam berish masalasi yana davom etilishi koʻzda tutildi. Odomboy Jumaniyozov, suhbatdosh saylovchi:-Yaqinda boshimizga ogʻir musibat tushdi, uyimizda sodir boʻlgan yongʻin sabab, ham maʼnaviy ham moddiy zarar koʻrdik. Deputatga rahmat, holimizdan xabar olib, ruhiy va moddiy yordam berdi.

Koʻnglimiz ancha taskin topdi. Endi uyimizni qayta taʼmirlatib hayotimizni yangidan boshlaymiz. Insonlari qadrlangan yurt deb shuni aytishsa kerak. Yolgʻiz oʻzimiz bu qiyinchiliklardan qanday chiqqan boʻlar edik? Tashkilotchilardan minnatdormiz. Shuningdek, oʻrganishlar davomida shu mahalla aholisi tomonidan   Urganch-Bogʻot yoʻlidan mahallaga kiraverish joyiga yoʻlovchilar kutish bekati qurib berish toʻgʻrisidagi bayoni, “Poʻrsang” mahallasi aholisining mahalla bilan   “Shirsholi”   mahallasini bogʻlovchi yoʻlni asfalt qilib berish toʻgʻrisidagi murojaatlari eʼtiborga olindi va deputat tomonidan tegishli tashkilot rahbarlariga deputatlik soʻrovi yuborilib, ijrosi deputat tomonidan nazoratga olindi.Faollar uchrashuvlari davomida, tumandagi 33-son umumoʻrta taʼlim maktabi faoliyati bilan yaqindan tanishishdi, muammolari bilan qiziqishdi. Oʻquvchilarning orzu-istaklari va maqsadlari bilan dildan suhbatlashishdi va hayotiy saboqlar bilan oʻrtoqlashishdi.Bir soʻz bilan aytganda, partiyamiz faollarining bu kabi saʼy harakatlari fuqarolarning yashash sharoitini yanada yaxshilash orqali Yangi Oʻzbekistonimizni barpo etilishida ahamiyati kattadir.                                                                                                          

Zamira Abdullayeva,   

    “Adolat” SDP  Xorazm viloyat Kengashi matbuot kotibi.