Deputat koʻmagida muammolar hal etilmoqda

Deputat tom maʼnoda xalq vakilidir. U har bir hudud hayoti bilan yaqindan tanishib, bevosita aholi ichida yashab, uning turish-turmushidan, fuqarolarni oʻylantirayotgan masalalaridan yaxshi xabardor. Shu bois, bugun ular zimmasidagi masʼuliyatni dildan his etib xalq orasida ish olib bormoqda.

Joriy yilning 21 fevral kuni “Adolat” SDP Sirdaryo tuman Kengashi raisi, viloyat Kengashi deputati S.Elmurodov “Muammo bilan yuzma-yuz” loyihasi doirasida Baxt shahari, Ishonch MFY, Nafosat koʻchasi 103-xonadonda yashovchi Gusarev Aleksandrning yogʻingarchilik natijasida xonadonida suvlar toʻplanib, achinarli holatga kelib qolganligi yuzasidan qilgan murojaatga koʻra joyiga chiqib, mavjud muammoni oʻrgandi.

Holat yuzasidan zudlik bilan Sirdaryo tuman Obodonlashtirish boʻlimi masʼullariga holat yuzasidan maʼlumot berib, mavjud muammoni bartaraf qilish choralari koʻrildi. Natijada xonadon tuman Obodonlashtirish boʻlimi xodimlari ishtirokida yomgʻir suvlaridan tozalandi.

Deputat hududdagi muammolar yuzasidan tegishli tashkilotlarga xat chiqarib, ularning masʼuliyatini yana bir bor eslatish barobarida tegishli rahbar va mansabdor shaxslarga aholi muammolarini oʻz vaqtida yechish masʼullarning majburiyati ekanligini uqtirdi.

“Adolat” SDP Sirdaryo viloyat Kengashi
matbuot xizmati.