Deputat oʻz saylovchilari bilan uchrashib ularning hal qilmoqda

Oʻzbekiston “Adolat” SDP Navoiy viloyat Kengashi raisi, xalq deputatlari viloyat Kengashi deputati Rustam Xayitov oʻz saylov okrugidagi saylovchilar bilan uchrashib, ularning muammolarini hal etishga jiddiy bel bogʻlagan.

Deputat yaqinda Navbahor tumanidagi “Yangi yoʻl” MFY “Nafosat” koʻchasi 2-uyda istiqomat qiluvchi fuqaro Zilola Bekova murojaati boʻyicha xonadonida boʻldi.

Murojaat joyiga borib oʻrganilganda fuqaro Bekova Zilolaning 2012 yilda tugʻilgan farzandi Umidjon Rustamov 2-guruh nogironligi, koʻp yillardan buyon nevropatolog “D” nazoratida roʻyxatda turishi, nogironlik aravachasida yurishi, ruhiy va jismoniy ahvoli ogʻir, imkoniyatlari cheklanganligi maʼlum boʻldi.

Uning ambulator tibbiy kartasi koʻzdan kechirilganda Rossiya Federatsiyasi va Toshkent shahridagi shifoxonalarda bir necha marotaba davolangan barcha xarajatlar nochor boʻlishiga qaramasdan, oilaning oʻz mablagʻlari hisobidan olib borilgan.

Fuqaro Bekova Zilola farzandini daʼvolash va dorixonalardan dori-vositalarini xarid qilish uchun amaliy yordam soʻrab mahalla maʼmuriyatiga bir necha marotaba murojaat qilgan boʻlsa-da, uning murojaati qanoatlantirilmagan va zarur amaliy choralar koʻrilmaganligi aniqlandi.

Ayni vaqtda kunlik isteʼmol qilishi zarur boʻlgan dorilar narxi qimmat, tibbiy muolaja va dori-vositalari sotib olishga mablagʻ yoʻq.

Oʻrganish yakunida, fuqaro Zilola Bekovaning 2012 yilda tugʻilgan farzandi Umidjon Rustamov tibbiy muolaja va dori-vositalari xarid qilish uchun dorixonalar bilan shartnoma asosida “Saxovat va koʻmak” fondidan mablagʻ ajratish maqsadida xalq deputatlari viloyat Kengashiga xat yuborish hamda Kengashning navbatdagi sessiyada koʻrib chiqish choralari belgilab olindi.

Deputatning saylovchilar bilan muloqotlari davom etmoqda.

“Adolat” SDP

Navoiy viloyat  Kengashi Matbuot xizmati.