Deputat Seul universiteti bilan hamkorlikni reja qildi

“Adolat” SDPdan Xalq deputatlari Mirobod tuman Kengashi deputati Gribanova Tatyana bir necha yillardan buyon pedagog hamda rahbar sifatida faoliyat yuritib keladi. Deputat boʻlish bilan birga Mirobod tumanidagi 158-umumiy oʻrta taʼlim maktabi direktori sifatida bir qancha yutuqlarni qoʻlga kiritib kelmoqda.

Xususan, yaqinda Xalqaro Seul universiteti oʻqituvchilari bilan yozgi mavsumda hamkorlik qilish masalasida uchrashuv oʻtkazdi. Maqsad esa boʻlgʻusi maktab bitiruvchilarini nufuzli xalqaro oliygohlarda taʼlim olishlariga shart-sharoitlar yaratib berish koʻzda tutilgan.

Deputat bilan uchrashgan mehmonlar oʻquv jarayoniga STEAM usullarini joriy etish natijalari bilan tanishdilar. Hamkorlik masalasida koʻpgina kelishuvlarni rejalashtirib oldilar.

Mehriniso Yakubova,

“Adolat” SDP Toshkent shahar Kengashi matbuot kotibi