Deputat Suzish havzasi qurilish holatini oʻrgandi

Yurtimizda olib borilayotgan keng islohotlar jarayonlarida aholi farovonligi, yashash turmush sharoitlarini yaxshilash uchun yangidan yangidan binolar qurilib foydalanishga topshirilmoqda. Albatta, ularning sifati bugungi zamon talabiga mos kelishi ham eng muhim jihatlardan biri hisoblanadi.

28-Yoʻldosh saylov okrugidan saylangan Xalq deputatlari Toshkent shahar Kengashi deputati Tursunov Sobir Turdiyevich Sergeli tumani “Yangi Umid” MFY hududida barpo etilayotgan “Suzish havzasi” va “Bolalar sport majmuasi” qurilish jarayonining loyiha ishlari boʻyicha oʻrganish ishlarini olib bordi.

Oʻrganishlar davomida aniqlangan masalalar yuzasidan mutasaddilar bilan muzokaralar oʻtkazdi hamda muammoli holatlar oldi olindi.

Shuningdek, deputati S.T.Tursunov tumandagi “Yangi Umid” va “Tashabbus” MFYlarida yashovchi ijtimoiy himoyaga ega bemorlar xonadonlariga tashrif buyurib, ularga davolanishlari uchun yaqindan amaliy yordam koʻrsatdi.

Zero, “Saxovat – benazir qadriyat” ekanligi mana shu kabi ezgu tashabbuslarda yaqqol boʻy koʻrsatadi.

Mehriniso Yаkubova,

“Adolat” SDP Toshkent shahar Kengashi matbuot kotibi