Deputat tashabbusi bilan bepul tibbiy koʻrik tashkil qilindi

Xalq dardini eshitish, odamlarning muammolarini hal qilishga koʻmaklashish, ijtimoiy masalalarning ijobiy yechim topishida yordam beradigan shaxs – bu fuqarolarning ishonchli vakili, albatta, oʻsha hududdan saylangan deputatdir.

Bugungi kunda aholi, xususan, saylovchilar bilan doimiy muloqot qilish, ularni oʻylantirayotgan masalalarni hal etish deputatlarning saylov okruglaridagi faoliyatining ustuvor yoʻnalishiga aylandi.

Bugun 5 oktyabr kuni “Adolat” SDP Sirdaryo viloyat Kengashi raisi, viloyat Kengashi deputati Jamol Komilov tashabbusi bilan Guliston shahar “Bogʻishamol”MFY maʼmuriy binosida “Sogʻlom avlod uchun”xayriya jamgʻarmasi bilan hamkorlikda bepul tibbiy koʻrik tashkil qilindi. Tadbirdan maqsad MFY dagi nogiron,keksa fuqarolarga   tibbiy patronaj xizmatini yaxshilash va aholi ayniqsa ayollar va yoshlarni sogʻlom turmush darajasini koʻtarish tadbirning asosiy maqsadi boʻldi.

Tibbiy koʻrik — insonlar salomatligini saqlash, kasalliklar kelib chiqishi va tarqalishining oldini olish maqsadida oʻtkaziladigan tadbirlardir. Tibbiy koʻrikning ahamiyati shundaki, oʻz vaqtida oʻtkaziladigan tibbiy koʻrik doimo sogʻlom boʻlib yurish imkoniyatini yaratadi.

Koʻrikka chaqirilgan keksa nuroniylar, ayollar zamonaviy tibbiyot anjomlari uzi apparati yordamida tekshirilib ,oʻzlarini bezovta qilayotgan xastaliklarni davolatish boʻyicha malakali shifokorlardan maslahatlar olishdi.

Bepul tibbiy koʻrikda Guliston shahar “Bogʻishamol”MFY,”Obod yurt” MFY hududidan 60 dan ortiq fuqarolari tibbiy koʻrikdan oʻtkazilib,jamgʻarma tomonidan dori-darmonlar bepul tarqatildi

Tadbir yakunida fuqarolarga “Adolat” SDP viloyat Kengashi tomonidan partiya esdalik sovgʻalar topshirildi.

“Adolat” SDP Sirdaryo viloyat kengashi Matbuot xizmati.