Deputat tashabbusi bilan bepul tibbiy koʻrik tashkil qilindi

Deputatlarning saylovchilar bilan tez-tez uchrashib, yuzma-yuz muloqotlar qilishi ular bilan fikrlashish, fuqarolarning murojaatlari, takliflarini oʻrganish, hududlardagi ijtimoiy hayotning muhim masalalarini aniqlashga yordam beradi.

Bugungi kunda aholi, xususan, saylovchilar bilan doimiy muloqot qilish, ularni oʻylantirayotgan masalalarni hal etish deputatlarning saylov okruglaridagi faoliyatining ustuvor yoʻnalishiga aylandi.

Bugun 12 oktyabr kuni “Adolat” SDP Sirdaryo viloyat Kengashi raisi ,viloyat Kengashi deputatlari Jamol Komilov va Salohiddin Elmurodovlar tashabbusi bilan Sirdaryo tumanidagi chekka hududda “Yangiobod”MFYdagi qishloq oilaviy poliklinikasi binosida“Sogʻlom avlod uchun”xayriya jamgʻarmasi Sirdaryo viloyat boʻlimi Y.Usmonova bilan hamkorlikda bepul tibbiy koʻrik tashkil qilindi. Tadbirdan maqsad MFY dagi nogiron,keksa fuqarolarga   tibbiy patronaj xizmatini yaxshilash va aholi ayniqsa ayollar va yoshlarni sogʻlom turmush darajasini koʻtarish tadbirning asosiy maqsadi boʻldi.

Tibbiy koʻrikning ahamiyati shundaki, oʻz vaqtida oʻtkaziladigan tibbiy koʻrik doimo sogʻlom boʻlib yurish imkoniyatini yaratadi.

Hozirgi kunda “Yangiobod”MFY da umumiy aholi soni 1950 nafarni tashkil etib,shulardan 296 nafarini nogironlar tashkil qiladi. “Yangiobod” QOP etti yildan beri faoliyat koʻrsatmasdan kelayotgan edi,shu yilning avgust oyida poliklinika homiylar va Open Budjet hisobidan taʼmirlanib,qaytadan faoliyatini boshladi,hozirda 15 kishini bandligi taʼminlanib fuqarolarga tibbiy xizmat koʻrsatib kelmoqda deydi — QOP shifokori J.Davkarov.

Koʻrikka chaqirilgan keksa nuroniylar, ayollar, pediatr A.Abdunabiev ,terapevt N.Ismoilovalar tomonidan koʻrikdan oʻtkazilib,oʻzlarini bezovta qilayotgan xastaliklarni davolatish boʻyicha malakali shifokorlardan maslahatlar olishdi.

Bepul tibbiy koʻrikda Sirdaryo tumani “Yangiobod”MFY,”hududidan 70 dan ortiq fuqarolari tibbiy koʻrikdan oʻtkazilib, jamgʻarma tomonidan dori-darmonlar bepul tarqatildi.

Tadbir yakunida hamkorlik uchun “Yangiobod” QOP shifokori J.Davkarov Sirdaryo tuman TTB pediatri A.Abdunabievlarga “Adolat” SDP Sirdaryo viloyat Kengashi tomonidan partiya esdalik sovgʻalar topshirildi.

 “Adolat” SDP  Sirdaryo viloyat kengashi Matbuot xizmati.