Deputat va yoshlar uchrashuvi

Kogon shahridagi faol yoshlari bilan “Deputat va yoshlar” uchrashuvi bo'lib o'tdi.

Uchrashuvda “Adolat” SDP Kogon shahar Kengashi raisi Zarnigor Tosheva, xalq deputatlari Kogon shahar Kengashi deputati Xurshida Karimova va shaharning faol yoshlar ishtirok etdi.

Deputat o'z so'zida mamlakatimizda yangi O'zbekistonni barpo etishdek ulug' maqsadga erishish yo'lida yoshlarga e'tibor va g'amxo'rlik ko'rsatish, ularga barcha sohalarda o'z iqtidori va salohiyatini to'liq namoyon etishi uchun zarur sharoit va imkoniyatlar yaratish borasida keng ko'lamli ishlar amalga oshirilayotganini ta'kidladi.

Uchrashuvda mamlakatimizda yoshlarga yaratilayotgan imkoniyatlar, yurtimizda qabul qilinayotgan normativ-huquqiy hujjatlar, jumladan, yoshlarga doir qonunlarning mazmun-mohiyati tushuntirildi.

So'z olganlar Prezidentimizning yoshlarga oid siyosatida ikkita eng muhim yo'nalish borligini, birinchisi ularga zamonaviy bilim berish bo'lsa, ikkinchisi yoshlar bandligini ta'minlash ekanligini ta'kidlab, keyingi yillardagi islohotlar, tashabbus va yangi tizimlar zamirida ana shu maqsad mujassamligini qayd etdi.

Uchrashuv yakunda yoshlar o'zlarini qiziqtirgan savollariga deputatlardan atroflicha javob olishdi.

Mohigul Rahimqulova
“Adolat” SDP Buxoro viloyat Kengashi matbuot kotibi