Deputat yordami bilan nogironlar aravachasi taqdim etildi

Yaxshidan bogʻ qoladi deganlaridek, ezgu ishni oʻz hayotining dasturilamal qismiga aylantirib xalq olqishiga sazovor boʻlayotgan kishilar koʻp. Ular orasida xalq noiblari hisoblangan deputatlar xayrli amallari sabab xalq ishonchini oqlashga urinishmoqda. Shunday deputatlardan biri Xalq deputatlari Chilonzor tuman kengashi deputati Mirzohid Abduqodirovdir. Ushbu deputat oʻzi saylangan okrugidagi Yakkatut mahallasida istiqomat qiluvchi nogironligi mavjud nuroniy otaxon Gʻayrat Xusainovga nogironlar aravachasi taqdim etilishida yaqindan amaliy yordam koʻrsatdi.

Aravachani deputat nomidan tuman nuroniylar kengashi vakili B.Yusupov oʻz egasiga topshirdi. Mazkur xayrli tashabbusdan Gʻ.Xusainovning oʻzi hamda yaqinlari mamnun boʻlishdi. Deputatga oʻz minnatdorchiliklarini izhor etishdi.

Mehriniso Yakubova,

“Adolat” SDP Toshkent shahar Kengashi matbuot kotibi.